Mateo 27:26 - Tosi Tapu

²⁶ Ti na tuku loa e Pilato kia latou Palapasi ; kae na taofi loa e ia Sesu ke sasa ki ni laakau, mo tuku loa a ia ke tutuki i le koluse.

Mateo 27:26 Iomraidhean Croise

Esaia 50:6

Na kau fakaali loku tua kia latou ala na ta ia au, Ti mo oku kalaafau kia latou ala na futi ia loku kaukava ; Na leaise kau fufu oku mata I tauvele mo aanu.

Esaia 53:5

Kae na lavea a ia o tupu ko atatou agasala, Fatii o tupu ko atatou agaveli ; Ko le tautea leia e soli ia kia tatou le tokamalie na vilo kiate ia, Ti ko ona kafo ala e tou mauli ai.

Mateo 20:19

ti e lotou tuku loa a ia ki le kau pagani, ke lotou gologolo kiate ia, mo sasa a ia ki laakau, ti mo tutuki a ia i le koluse ; ti e toe tuuake loa a ia i le tolu o aso.

Maleko 10:34

ala e gologolo loa kiate ia, mo anuanu loa kiate ia, mo sasa loa a ia ki laakau, mo tamate loa a ia ; ti e i le sili o aso e tolu, e toe tuuake loa a ia.

Maleko 15:15

Ko Pilato, i lona fia mata malie ki le kakai, na tuku ia loa Palapasi kia latou ; kae fakatotonu loa e ia ke sasa Sesu ki ni laakau, ti ke tutuki loa a ia ki se koluse.

Luka 23:16

E kau fakalauatea loa a ia, i le oki o lona sasa.

Soane 19:1

Ti na fakatotonu loa e Pilato ke too Sesu, o ta ki ni kaui maea.

Soane 19:16

Ti na tuku loa e Pilato ke lotou kulusifiko a ia. Na lotou too loa Sesu, o ave.

Uluaki tosi a Petelo 2:24

a ia leia na amo ia toka tasi atatou agasala i lona tino i le laakau, o tupu ke tou mate ki atatou agasala kae ke tou mauli ki le maokioki ; ti kua tou mauli i ona kafo.