Mateo 27:25 - Tosi Tapu

²⁵ Ti na tali loa le kakai katoa : Ke vilo lona toto kia matou mo amatou fanau !

Mateo 27:25 Iomraidhean Croise

Lua tosi a Samuele 1:16

Ti na pati loa Tavite kiate ia : Ke vilo lou toto ki lou fa ulu, talie kua masau lou gutu kiate koe, talie na ke pati : Na kau tamate le filifiliia a le Eteleno !

Uluaki tosi o Sau 2:32

Kua fakavilo e le Eteleno lona toto ki lona fa ulu, talie na tamate e ia a tagata e lua ala na agatonu ake mo malilie ake iate ia, ti na tamate e ia laua ki le seleta, kae na leaise iloa fua e loku tamana ko Tavite : Ko Apenele, vosa o Nele, pule o le solia o Iselaele, ti mo Amasa, vosa o Setelo, pule o le solia o Suta.

Ekesote 20:5

Aua na ke punou loa i mua o nea ana, pe ke tausi loa kia latou, talie ko au ko le Eteleno, lou Atua, ko au ko se Atua finenonofo, leia e tautea ia le agaveli o tamana ki fanau, o kaku ki le tolu mo le fa o tautupu o latou ala e agatuu kiate au,

Numelo 35:33

Ke aua na kotou fakakelekele loa le fenua leia e kotou nonofo ai loa : talie e fakakelekele e le tagata tukipo le fenua ; ti kapau e tukipooi loa se tagata o mate, koi fakamea loa le fenua mo kapau e tamate loa le tagata tukipo.

Mateo 21:44

Ko leia e vilo loa ki le fa fatu lena e fatifati loa i ai, ti ko leia e vilo loa ki ai le fa fatu lena e lailai loa.

Gaoi 18:6

Kae na fakafesagai loa le kau Sutea kiate ia o lauveli kiate ia ; koia na tutui ai loa e Paulo ona kofu, o pati kia latou : Ke toe vilo lokoutou toto ki okoutou ulu ! E kau mea i ai. Kamata atu i le aso nei e kau ano loa ki le kau pagani.

Gaoi 5:28

Pe na leaise motou tapui fakamakeke atu kia koutou le akonaki i le igoa lena ? Ti ko leinei, kua kotou fakaapele Selusalemi ki lakoutou akonaki, ti e kotou loto ke vilo kia matou le toto o le tagata lena !

Gaoi 7:52

Ko ai i le kau polofeta na leaise fakavelivelii e okoutou tamana ? Na lotou tamate ala na fakasa fakatomua ia le saele mai o le Tagata Agatonu e Tasi, leia na kotou fakatau i aso anei, ti kua kotou tamate,

Tetelonome 19:10

o tupu ke aua na liligi loa le toto mea i loto malie o le fenua leia e soli atu kiate koe e le Eteleno, lou Atua, ke ke maua tofiga, ti ke aua na ke agasala loa i se tukipo.

Tetelonome 19:13

Ke aua na maua loa e lou mata se alofa kiate ia, kae e ke too loa mei Iselaele le toto o le tagata mea, ti e ke manuia loa.

Sosue 2:19

Kapau e mavae kese loa se tasi mei lou fale, ti e pule loa a ia toka tasi ki lona mate ti e ma mea loa i le nea lena. Kae kapau e fafa loa ki se tasi leia e nofo mo koe i lou loto fale, ti e vilo loa lona toto ki oma ulu.