Mateo 27:2 - Tosi Tapu

² Na lotou sai loa a ia, ti na lotou ave loa a ia kia Posio Pilato, le kovana.

Mateo 27:2 Iomraidhean Croise

Senesi 22:9

Na la kaku loa ki le ganea leia na pati ki ai le Atua, ti na fakatuu loa e Apalaamo se aletale, ti na fakatoka loa e ia le fafie i aluga. Na sai loa e ia lona vosa ko Isaake, o teki ki le aletale, i aluga o fafie.

Mateo 20:19

ti e lotou tuku loa a ia ki le kau pagani, ke lotou gologolo kiate ia, mo sasa a ia ki laakau, ti mo tutuki a ia i le koluse ; ti e toe tuuake loa a ia i le tolu o aso.

Mateo 28:14

Ti kapau e logo loa le kovana ki le nea lena, e motou fakamalu ia loa lona loto, kae motou saofaki loa koutou.

Luka 13:1

I le temi lena, na au loa ni iki, o fakamatala kiate ia le nea leia na soko ki ni kau Kalilea ala na tamate e Pilato i le temi leia na lotou momoli ai alatou sakilifisio.

Luka 20:20

Na lotou kamata lamalama loa Sesu ; ti na lotou kakau loa ni tagata poto i le faifaitaki o le agatonu, o tupu ke lotou fai kiate ia ni masele ke maua ai ni masau meiate ia, o tupu ke lotou ave a ia ki le tui fakamaau mo le kovana.

Luka 23:1

Na lotou tutuu fakatasi fuli loa ki aluga, o taki Sesu ki mua o Pilato.

Luka 23:12

I le aso totonu lena, na liliu loa Pilato mo Elote ko ni kaukau nea malie, laua ala na fili i mua.

Luka 3:1

I le kau agafulu tupu lima fetuu o le pule o Tipele Sesale, - na kovana Posio Pilato i Sutea, ti na sau Elote i Kalilea, ti na sau lona taina ko Filipo i Itulea mo le telituale o Talakonita, ti na sau Lisaniasi i Apilene,

Soane 18:12

Ti ko le kau solia, mo le pule solia, ti mo le kau fakasausau a le kau Sutea, na too ia loa Sesu, o sai a ia.

Soane 18:24

Na kakau loa e Anasi ke ave a ia mo ona sai kia Kaifa, ko le pule faisakilifisio.

Soane 18:28

Na lotou taki loa Sesu mei le fale o Kaifa o ave ki le peletolio ; ko le pogipogi usu lena. Na leaise lotou ulu loa ki le peletolio o tupu ke aua na lotou kelekele, kae ke feala lalatou kai le Pasikate.

Gaoi 12:6

I le pouli, leia na ala usu ake ti fakamaaui loa a ia e Elote, na moe loa Petelo i vasa o tagata solia e toka lua, kua sai a ia ki tini e lua ; ti na tutuu loa ni tagata leo pilisoni i mua o le matapa, o leo le fale pilisoni.

Gaoi 21:33

Ti na fakafeofi atu loa le pule lasi, o too Paulo, o fakatotonu ke sai a ia ki ni tini e lua, ti na vesili loa a ia pe ko ai a ia, pe kolea lana nea na fai.

Gaoi 22:25

I le temi leia na sai ai loa a ia ki ni maea ke sasa, na pati loa Paulo ki le setulio leia na nofo i ai : Pe taga kia koutou ke kotou sasa se tagata Loma leia na leikiaise fakamaaui ?

Gaoi 22:29

I le temi fai lena, na mavae loa iate ia latou ala na tonu ke fakavesilii ia a ia, ti na i foki mo le pule lasi, o tupu ko lana iloa ko le tagata Loma Paulo, ti mo lana fakatotonu ke sai a ia.

Gaoi 24:27

Kae i le oki o fetuu e lua, na fetogi loa Felise e Polisiusi Fesitusi. I le fia mata malie a Felise ki le kau Sutea, na tuku loa e ia Paulo i le pilisoni.

Gaoi 28:20

Ko le tupuaga loa lena o laku kole ke kau felavei mo koutou ti ke kau masau kia koutou ; talie e tupu ko le amanaki malie a Iselaele leia e kau nofo ai mo tini anei.

Gaoi 3:13

Ko le Atua o Apalaamo, mo Isaake, mo Sakopo, ko le Atua o otatou tamana, kua fakakololia ia lana tagata fakasausau ko Sesu, leia na kotou fakatau mo fakafiti ki ai i mua o Pilato, i le lakaga leia na fakatotonu ai e ia ke fakamauli Sesu.

Gaoi 4:27

Talie e maoki na fakatasi Elote, mo Posio Pilato i le kolo leinei, mo atu puleaga, ti mo kakai o Iselaele, o agatuu ki lau tagata fakasausau maokioki ko Sesu, leia na ke fakanofo,

Gaoi 9:2

o kole kiate ia ni tosi ki sinakoka o Tamaso, o tupu ka maua loa e ia ni iki o le ala lena, tagata pe fafine, ke saisai loa e ia latou o aumai ki Selusalemi.

Uluaki tosi kia Timoteo 6:13

E kau kole atu kiate koe, i mua o le Atua leia e soli ia le mauli ki nea fuli, ti mo mua o Sesu-Kilisito leia na fai ia se fakamaoki malie i mua o Posio Pilato,

Lua tosi kia Timoteo 2:9

leia e kau mamae ai o kaku ki loku sai ofaipe se tagata agaveli. Kae e leaise sai le folafola a le Atua.

Epelo 13:3

Kotou manatui le kau pilisoni, o sakinake e kotou pilisoni foki ; kotou manatui latou ala e fakavelivelii o sakinake e kotou tino tasi mo latou.

Tuifakamaau 15:12

Na lotou pati loa kia Samisoni : Kua motou ifo mai o sai a koe, talie ke tuku a koe ki lima o le kau Filisitini. Na pati loa Samisoni kia latou : Kotou fakapapau mai kiate au e leaise kotou tamate loa au.