Mateo 27:19 - Tosi Tapu

¹⁹ I lana nofo i le telepinale, na fakasa loa e lona avaga kiate ia : Ke aua na i ai fua se nea i le vasa o ou mo le tagata agatonu lena ; talie i le aso nei na kau mamae lasi ai i laku moe miti o tupu ko ia.

Mateo 27:19 Iomraidhean Croise

Senesi 31:11

Ti na pati mai loa le aselo o le Atua kiate au i le moe : Sakopo ! Na kau tali : Ko leinei au !

Senesi 31:24

Kae na sa loa le Atua i le pouli i se moe miti kia Lapane, le tagata Alame, o pati kiate ia : Aua na ke masau loa kia Sakopo i se nea malie pe ko se nea veli !

Senesi 31:29

E makeke feauga loku lima ke kau fai ia kiate koe se nea veli ; kae na pati mai kiate au le Atua o lokoutou tamana i le aso nanafi : Aua na ke masau loa kia Sakopo i se nea malie pe ko se nea veli !

Taagapati 29:1

Ko se tagata leia kua tua lasi lona valoki, kae e fakafefeka lona ua, E fatii fakapunamauli loa a ia, ti e leaise toe maua loa sona faitoo.

Esaia 53:11

E fiafia loa ona mata o tupu ko le gaoi o lona laumalie. I lona iloa e fakamatatonu loa e laku tagata fakasausau agatonu ni tagata toka api, Ti e amo loa e ia alatou agaveli.

Sakalia 9:9

Ke ke nekenekea, taine o Sione ! Ke ke fai ni kalaga fakafiafia, taine o Selusalemi ! Ko leinei, e au lou sau kiate koe. E faitotonu a ia mo malo, E agamalu a ia ti e eke a ia i se asino, I se asino, le uviki o se asino fafine.

Numelo 12:6

Ti na pati loa a ia : Kolua fakalogo malie mai ki aku masau ! Ka maua loa ia koutou se polofeta, ko se ata loa leia e kau sa ai loa kiate ia, a au ko le Eteleno, ti e kau masau loa kiate ia i se moe miti.

Mateo 1:20

Na lolotoga fakakaukau a ia ki le nea lena, ti na fokifa kua sa se aselo o le Aliki kiate ia i se moe miti, o pati : Sosefo, vosa o Tavite, aua na ke i i le too o Malia lau avaga, talie ko le toe leia e tinae ai e au mei le Laumalie Maokioki.

Mateo 2:19

I le oki o le mate o Elote, ko leinei na sa loa se aselo o le Aliki i se moe miti kia Sosefo i Esipito,

Mateo 2:22

Kae i le logo a Sosefo e sau i Sutea a Akelausi o fetogi Elote lona tamana, na i loa a ia i le ano ki ai ; ti na fakasa loa e le Atua kiate ia i se moe miti ke afe a ia ki le fenua o Kalilea,

Mateo 27:18

Talie na iloa e ia, na lotou fakatau Sesu i lolatou finenonofo.

Mateo 27:24

I le tio a Pilato e leaise malo a ia i se nea fua, kae kua asilisili le maveuveu, na too loa e ia se vai, ti na fanofano loa e ia ona lima i mua o le kakai, o pati : E kau mea i le toto o le tagata agatonu lena. Ko le nea lena a koutou fai a ia.

Mateo 27:4

o pati : Kua kau agasala i le fakatau o le toto mea. Na lotou tali loa : Kolea lona aoga mai kia matou ? Ko le nea fai lena a au toka tasi !

Luka 23:41

Kia taua, e tonu ke ta tali a ia, talie ko le totogi a ia o ata agaveli ; kae kiate ia leinei, na leaise fai fua e ia se nea veli.

Luka 23:47

I le tio a le setulio ki le nea leia kua soko, na fakakololia loa a ia ki le Atua, o pati : E maoki, ko le tagata leinei ko se tagata agatonu.

Soane 19:13

Ko Pilato, i lana logo ki kupu ana, na taki ake ia loa Sesu ki fafo ; ti na eke loa a ia ki le ekeaga o le tui fakamaau i le ganea leia na igoa ko le Pave, ti e i le fakaepeleo ko Kapata.

Gaoi 12:21

I le aso kua fakatuutuu ki ai, na tui loa e Elote ona kofu fakasau, ti na eke loa a ia i le ekeekeaga fakasau, o masau kia latou.

Gaoi 18:12

Kae i le pule a le kovana Loma ko Kalione i Akaia, na fakatasi loa le kau Sutea, o lotou too Paulo, ti na lotou taki loa a ia ki mua o le telepinale,

Gaoi 18:16

Ti na kakau loa e ia latou mei le telepinale.

Gaoi 18:17

Koia na lotou too fuli loa a Sositene, ko le pule o le sinakoka, o sasa i mua o le telepinale, kae na leaise tokaga fua Kalione ki le nea a ia.

Gaoi 25:10

Ti na tali loa Paulo : E kau tuu nei i mua o le telepinale a Sesale, leia e tonu ke kau fakamaaui ai. Na leaise kau fai fua se sala ki le kau Sutea, ti e ke iloa malie a ia, e koe totonu.

Gaoi 25:17

Ti na lotou au loa ki leinei, ti i leia ake fai a aso, na kau eke loa ki loku nofoaga i le telepinale, ti na kau fakatotonu loa ke aumai le tagata lena.

Gaoi 25:6

Ti na nofo loa Fesitusi mo latou i ni aso fai e kau agafulu, ti na ano loa a ia ki Sesalea. I leia ake a aso, na eke loa a ia i le telepinale, ti na fakatotonu loa e ia ke taki ake Paulo.

Uluaki tosi a Petelo 2:22

A ia leia na leaise agasala, Ti na leaise maua fua i lona gutu se kaka ;

Uluaki tosi a Soane 2:1

Ei aku fanau liliki, e kau tosi atu a nea anei, o tupu ke aua na kotou agasala. Ti kapau na agasala se tasi, e tou maua se avoka i tafa o le Tamana, ko Sesu-Kilisito ko le tagata agatonu.