Mateo 26:72 - Tosi Tapu

⁷² Na toe fakafiti loa Petelo kiate ia, o fakapapau : E leaise kau iloa le tagata lena.

Mateo 26:72 Iomraidhean Croise

Ekesote 20:7

Aua na ke takua noa loa le suafa o le Eteleno, ko lou Atua ; talie e tautea loa e le Eteleno leia e takua noa i lona suafa.

Esaia 48:1

Kotou fakalogo mai ki le nea leinei, fale o Sakopo, Koutou ala e igoa ki le igoa o Iselaele, Koutou ala na ulu mei vai o Suta ; Koutou ala e fakapapau i le suafa o le Eteleno, Ti e faikole ki le Atua o Iselaele, Kae puli ai le maoki mo le loto sako !

Sakalia 8:17

Aua na maua e se tasi i lona loto se manatu veli ki lona oloi, ti ke aua na kotou fakamaoki loi, talie e kau fakalialia ki nea fuli ana.

Malakia 3:5

E kau fakafeofi loa kia koutou ki le fakamaau, Ti e kau fakatavili loa o fakamaoki ki le kau faikikite loi mo le kau tono fafine, Kia latou ala e fakapapau loi, Kia latou ala e taofi ia le totogi o le tagata gaoi, Latou ala e fakamamae ia le fafine sala avaga mo le toe sala matua, Mo latou ala e agaveli ki le matapule, ti mo latou ala e leaise i kiate au, E pati le Eteleno o kau tau.

Mateo 26:71

I lana ano ki le matapa, na tio loa se tasi fafine fakasausau kiate ia, ti na pati loa a ia kia latou ala na nonofo i ai : Ko ia foki leinei na nofo mo Sesu mei Nasaleti.

Mateo 26:73

I le sili o se ga temi noa fua, ko latou ala na nonofo i ai, na fakafeofi ake loa o pati kia Petelo : E maoki, e ke kau foki ki lana kakai, talie e mailoga i lau masau.

Mateo 26:74

Ti na kamata fai loa e Petelo ni lauveli, o fakapapau : E leaise kau iloa le tagata lena. I le temi fai lena na koukoua loa le moatoa.

Luka 22:34

Ti na pati loa Sesu : Petelo, e kau fakasa kiate koe, e leikiaise koukoua le moatoa i le aso nei kae kua ke fakafiti tua tolu kiate au.