Mateo 26:55 - Tosi Tapu

⁵⁵ I le temi lena, na pati loa Sesu ki le kakai : Kua kotou au kiate au ofaipe se tagata agaveli, mo ni seleta ti mo ni laakau, ke kotou too fakamakeke au. Na kau tonatona i aso fuli i lotolotoga o koutou, o akonaki i le fale tapu, ti na leaise kotou too fua au.

Mateo 26:55 Iomraidhean Croise

Mateo 21:23

Na ano loa Sesu ki le fale tapu, i le lolotoga o lana akonaki, na au loa le kau pule faisakilifisio mo le kau fakamatuatua o le kakai, o pati kiate ia : Ko le pule fea leia e ke fai ai a nea ana, ti ko ai leia na soli atu ia kiate koe le pule lena ?

Mateo 26:47

Koi lolotoga lana masau, ko leinei Sutasi, ko se tasi o le tino agafulu tupu lua, na kaku mai loa, ti mo se kakai toka api ai, mo ni seleta ti mo ni laakau, na kakau mai latou e le kau pule faisakilifisio ti mo le kau fakamatuatua o le kakai.

Maleko 10:1

Na mavae loa Sesu i ai, o ano ki le fenua o Sutea i leia ake fetuu o le Solotane. Na toe fakatasi loa le kakai kiate ia, ti na toe akonaki loa a ia kia latou ofaipe lana fai masani.

Maleko 12:35

Na soko atu le akonaki a Sesu i le fale tapu, o pati : Kolea e pati ai le kau sekelipa ko le Kilisito ko le vosa o Tavite ?

Luka 19:47

Na akonaki a ia i aso fuli i le fale tapu. Ti ko le kau pule faisakilifisio, mo le kau sekelipa, mo pule o le kakai, na afa ke tamate a ia ;

Luka 20:1

I se aso o aso ana, na akonaki Sesu ki le kakai i le fale tapu, o fakasa le logo malie, kae na au loa kiate ia le kau pule faisakilifisio ti mo le kau sekelipa, ti mo le kau fakamatuatua,

Luka 4:20

Ti na toe tapono loa e ia le tosi, o fakatoo ki le tagata fakasausau, kae nofo loa a ia ki lalo. Ko latou fuli ala na nonofo i le sinakoka, na tio fakamaumau kiate ia.

Soane 7:14

I le lolotoga o le aso lasi lena, na pale loa Sesu ki le fale tapu. Ti na akonaki a ia.

Soane 7:28

Ti na kalaga loa Sesu, i lana akonaki i le fale tapu : E kotou iloa au, ti e kotou iloa le ganea leia e kau au mei ai ! Na leaise kau au iate au totonu : Kae ko leia na kakau ia mai au e maoki, ti e leaise kotou iloa a ia.

Soane 8:2

Kae, i le usu ake fai, na toe ano loa a ia ki le fale tapu, ti na au loa le kakai katoa kiate ia. Ti na tonatona loa a ia, o akonaki kia latou.

Soane 8:20

Na fakasa loa e Sesu a folafola ana, i lana akonaki i le fale tapu, i le ganea leia na tanaki ai a koloa, ti na leaise too loa a ia e se tasi, talie na leikiaise soko lona ola.