Mateo 26:53 - Tosi Tapu

⁵³ Pe ke pati e leaise mafai ke kau kole ki loku Tamana, ke tuku mai e ia i le lakaga nei fai ni fa solia aselo e tino agafulu tupu lua pe lasi atu ?

Mateo 26:53 Iomraidhean Croise

Lua tosi o Sau 6:17

Ti na faikole loa Eliseo, o pati : Eteleno fakamavaa ona mata, o tupu ke tio a ia. Ti na fakamavaa loa e le Eteleno a mata o le tagata fakasausau, leia na tio loa ki le mauga kua apele i osi mo saliote afi ala kua takatakai ia Eliseo.

Taniela 7:10

Na tafe se vaitafe afi mei ona mua. Na lau i afe mo afe latou ala na tausi kiate ia, ti mo miliona mo miliona latou ala na tutuu i ona mua. Na ekeeke loa a tui fakamaau, ti na fakamavaa loa ni tosi.

Mateo 25:31

Ka au loa le Vosa o le tagata i lona kololia, mo le kau aselo fuli, e ekeeke loa a ia i le ekeekeaga fakasau o lona kololia.

Mateo 4:11

Ti na tuku loa a ia e le Tiapolo. Ti ko leinei, na au loa se kau aselo kiate ia, ti na lotou fakasausau loa kiate ia.

Maleko 5:15

Na lotou au loa kia Sesu, ti na lotou tio loa ki le tagata leia na nofo ai le lesio kua tonatona, kua teuteu, ti kua malama lona atamai ; ti na lotou i lasi loa.

Maleko 5:9

Ti na vesili loa Sesu kiate ia : Ko ai lou igoa ? Na tali loa a ia kia Sesu : Ko loku igoa ko Lesio, talie e motou toka api.

Luka 8:30

Na vesili loa Sesu kiate ia : Ko ai lou igoa ? Na tali loa a ia : Ko Lesio. Talie na toka api ai le kau temonio leia kua ulu tino iate ia.

Soane 10:18

E leaise too a ia e se tasi iate au, kae e kau soli a ia, e au totonu ; e kau maua le pule ke soli loku mauli, ti e kau maua le pule ke toe too a ia : Ko le fakatotonu lena na tuku mai kiate au e loku Tamana.

Soane 18:36

Na tali loa Sesu : E leaise kau loku puleaga i le malama nei. Kana kau loku puleaga i le malama nei, e tau loa aku tagata fakasausau kiate au o tupu ke aua na tuku au ki le kau Sutea ; kae i le lakaga nei e leaise kau loku puleaga i lalo nei.

Lua tosi ki le kau Tesalonika 1:7

kae ke soli atu kia koutou, ala e mamae nei, le malolo mo matou, mo ka sa mai loa le Aliki ko Sesu mei le lagi mo le kau aselo o lona mafimafi,

Suta 1:14

Ko latou foki ana na folafola fakakikite ki ai Enoke, ko le fitu o le kau pateliaka meia Atama, o pati : Ko leinei, kua au le Aliki mo ana kau miliate maokioki,