Mateo 26:5 - Tosi Tapu

⁵ Kae na lotou pati loa : Ke aua na soko i le lolotoga o le aso lasi, o tupu ke aua na soko se maveuveu i le kakai.

Mateo 26:5 Iomraidhean Croise

Pesalemo 76:10

I le temi leia na tuu ake ai le Atua o fai le fakamaau, O fakamauli le kau fakaaloalofa fuli o le malama nei. - Manava.

Taagapati 19:21

E lasi fakatuutuu i le loto o le tagata, Kae ko le fakatuutuu a le Eteleno leia e soko.

Taagapati 21:30

E leaise tuu se poto, pe ko se atamai, Pe ko se tokoi i mua o le Eteleno.

Esaia 46:10

E kau fakasa mei le kamataaga le nea leia e tonu ke soko, Ti mei mamao le nea leia e leikiaise soko ; E kau pati : E tuu mau loa aku fakatuutuu, Ti e kau fai loa loku finegalo katoa.

Tagi laulau a Selemia 3:37

Ko ai e pati loa e soko se nea, Kae na leaise fakatotonu a ia e le Aliki ?

Mateo 14:5

Na loto Elote ke tamate Soane, kae na tuania ia e ia le kakai, talie na latou tuku ko Soane ko se polofeta.

Mateo 21:26

Ti kapau e tou tali : Mei tagata, e tonu ke tou i loa ki le kakai, talie e lotou taofi fuli ko Soane ko se polofeta.

Mateo 27:24

I le tio a Pilato e leaise malo a ia i se nea fua, kae kua asilisili le maveuveu, na too loa e ia se vai, ti na fanofano loa e ia ona lima i mua o le kakai, o pati : E kau mea i le toto o le tagata agatonu lena. Ko le nea lena a koutou fai a ia.

Maleko 14:12

I le uluaki aso o pane sala fakatupu, leia na tamate ai le akeno o le Pasikate, na pati loa a tisipulo a Sesu kiate ia : Ko le ganea fea leia e ke loto ke motou ano o teuteui ai le Pasikate kiate koe ?

Maleko 14:2

Talie na lotou pati : Ke aua na soko i le aso lasi, o tupu ke aua na i ai se maveuveu i le kakai.

Maleko 14:27

Na pati loa Sesu kia latou : E kotou siga fuli loa ; talie kua tosi : E kau taai loa le tausi ovi, ti e mavetevete loa a ovi.

Luka 20:6

Ti kapau e tou tali : Mei tagata, e tuki fatui loa tatou e le kakai katoa, talie kua lotou fakamaoki ko Soane ko se polofeta.

Luka 22:7

Kua ofi le aso o pane sala fakatupu, leia e tonu ke tamate ai le akeno o le Pasikate.

Soane 18:28

Na lotou taki loa Sesu mei le fale o Kaifa o ave ki le peletolio ; ko le pogipogi usu lena. Na leaise lotou ulu loa ki le peletolio o tupu ke aua na lotou kelekele, kae ke feala lalatou kai le Pasikate.

Gaoi 19:29

Ti na maveuveu loa le kolo katoa. Na lotou feoso fakatasi fuli loa ki le malae fai manogi, o too le sa tagata Masetonia ko Kaiusi mo Alisitake, ko kau folau o Paulo.

Gaoi 21:38

Pe leaise ko le tagata Esipito a koe leia nao fakatupu ia nei fua ni maveuveu, ti na taki ia ki le toafa ni kau tagata tukipo e tino afe fa ?

Gaoi 4:28

o fai a nea fuli ala na fakatuutuu fakatomua e lou lima ti mo lou poto.