Mateo 26:42 - Tosi Tapu

⁴² Na toe fakamamao loa a ia i le tua lua, o faikole feneeki : Loku Tamana, kapau e leaise feala ke mamao le ipu nei kae e leaise kau inu a ia, ke fai ki lou finegalo !

Mateo 26:42 Iomraidhean Croise

Mateo 20:22

Na tali loa Sesu : E leaise kotou iloa le nea leia e kotou kole. Pe feala ke kotou inu le ipu leia e tonu ke kau inu ? Na lotou pati loa : E motou mafai a ia.

Mateo 26:39

Ti oki, na fai loa e ia ni fa sake ki mua, ti na fakapulou loa a ia ki le kele, o faikole feneeki : Loku Tamana, kapau e feala ke mamao atu le ipu nei iate au ! Kae ke aua na fai ki loku loto, kae ke fai fua ki lou finegalo.

Mateo 26:43

Na toe liliu mai loa a ia, o maua latou kua toe momoe ; talie kua mamafa ai olatou mata i le fia moe.

Mateo 6:10

ke aumai lou pule ; ke fai lou finegalo i le kele ofaipe i Selo.

Maleko 14:36

Na pati loa a ia : Abba, Tamana, e feala a nea fuli kiate koe, fakamamao atu iate au le ipu leinei ! Kae ke aua na fai ki loku loto, kae ke fai fua ki lou finegalo.

Luka 22:42

o pati : Tamana, kapau na ke loto ki ai, fakamamao iate au le ipu leinei ! Kae, ke aua na fai ki loku finegalo, kae ki lou finegalo.

Soane 6:38

talie na leaise kau ifo mei lagi o fai loku finegalo, kae le finegalo o leia na kakau ia mai au.

Epelo 4:15

Talie e leaise tou maua ia se pule fai sakilifisio leia e leaise mafai ke manavaalofa ki otatou gaegaeia ; talie na fakasalai a ia ofaipe tatou i nea fuli, kae na leaise agasala fua a ia.