Mateo 26:27 - Tosi Tapu

²⁷ Na too foki e ia se ipu ; ti e i le oki o lana fakafetai, na soli loa e ia a ia kia latou, o pati : Kotou inu fuli ki ai ;

Mateo 26:27 Iomraidhean Croise

Pesalemo 116:13

E kau siki loa le ipu o saofaki, Ti e kau fetapa loa ki le suafa o le Eteleno ;

Katiko o Katiko 5:1

E kau ulu ki loku oloto, ei loku tuagaane, ei laku feauaki ; E kau tau laku mila mo aku nea fakamanogi, E kau kai laku laui meli mo laku meli, E kau inu laku vino mo laku sua u… Ke ke kai, ei loku mamanaaga, ke ke inu, ke ke kona i le alofa !

Katiko o Katiko 7:9

E kau pati iate au : E kau kava loa i le palemie, E kau fafa loa ki ona lau ! Ke fai ou u pe fui vite o le vite, Le kaloni o lau tukumanava pe leia o fa pome !

Esaia 25:6

Kua teuteu e le Eteleno o kau tau ki kakai fuli, i le mauga leinei, Se kaitasi o ni nea kai malilie, Se kaitasi o ni vino matua, Mo ni kanoi manu malilie mo gako, Mo ni vino matua, kua mea malie.

Esaia 55:1

Koutou fuli ala e fia inu, kotou au ki atu vai, Mo leia foki e leaise maua ia sana paaga ! Kotou au, kotou totogi ti kotou kai, Kotou au, kotou totogi se vino mo se sua u, sala paaga, sala totogi !

Mateo 15:36

ti na too loa e ia a fa pane e fitu mo ga ika, ti i le oki o lana fakafetai, na tofitofi loa e ia latou, o soli ki ana tisipulo, ke lotou tufa ki le kakai.

Mateo 26:26

I le lolotoga o le kai, na too loa e Sesu le pane, o fakafetai, mo tofitofi, mo soli ki ana tisipulo, o pati : Kotou too, ti kotou kai, ko le nea leinei ko loku tino a ia.

Mateo 26:28

talie ko le nea leinei ko loku toto, ko le toto o le sai foou, leia na liligi ki le toka api, ke fakamolemole ai a agasala.

Luka 22:20

I le oki o le kai, na toe too foki e ia le ipu, o soli a ia kia latou, o pati : Ko le ipu leinei o le sai foou i loku toto, leia e liligi o tupu ko koutou.

Uluaki tosi ki le kau Kolinto 10:16

Ko le ipu o le tapuakina leia e tou tapuakii, pe leaise ko le komunio a ia ki le toto o Kilisito ? Ti ko le pane leia e tou tofitofi, pe leaise ko le komunio a ia ki le tino o Kilisito ?

Uluaki tosi ki le kau Kolinto 11:28

Koia e malie ai ke tasi asiasii e le tagata a ia totonu, ti ke kai loa e ia le pane mo inu loa e ia le ipu ;