Mateo 26:26 - Tosi Tapu

²⁶ I le lolotoga o le kai, na too loa e Sesu le pane, o fakafetai, mo tofitofi, mo soli ki ana tisipulo, o pati : Kotou too, ti kotou kai, ko le nea leinei ko loku tino a ia.

Mateo 26:26 Iomraidhean Croise

Mateo 14:19

Na fakanonofo loa e ia le kakai ki lalo i le mutie, ti na too loa e ia a fa pane liliki e lima mo ga ika e lua, ti na tagaki loa ona mata ki le lagi, o fakafetai. Ti na tofitofi loa e ia a fa pane, o soli ki ana tisipulo, ke lotou tufa ki le kakai.

Mateo 26:27

Na too foki e ia se ipu ; ti e i le oki o lana fakafetai, na soli loa e ia a ia kia latou, o pati : Kotou inu fuli ki ai ;

Maleko 6:41

Na too loa e Sesu a fa pane e lima mo ga ika e lua, ti na tagaki loa ona mata ki le lagi, o fakafetai. Ti na tofitofi loa e ia a fa pane, o soli ki le kau tisipulo, ke lotou tufa ki le kakai. Na toe vae foki e ia a ga ika e lua kia latou fuli.

Luka 22:17

Ti na too loa e ia se ipu, ti na fakafetai loa a ia, o pati : Kotou too le ipu leinei o tufa ia koutou ;

Luka 24:30

I lana nofo mo laua i le laupapa kai, na too loa e ia le pane, o fakafetai, ti na tofitofi loa e ia a ia, o soli kia laua.

Gaoi 2:46

Na lotou fakatasi i aso fuli i le fale tapu, ti na lotou tofitofi le pane i olatou fale, ti na lotou too lalatou nea kai i le fiafia mo le loto faigaofie,

Gaoi 20:7

I le uluaki aso o le vasaa, na motou fakatasi loa ki le tofitofi o le pane. Ti na akonaki loa Paulo kia latou ; na tonu ke mavae a ia i leia ake a aso, ti na akonaki loa a ia o kaku ki le vaeluapo.

Uluaki tosi ki le kau Kolinto 10:4

ti na lotou inu fuli le nea inu fakalaumalie e tasi, talie na lotou inu i se utu fakalaumalie leia na mulimuli ia latou, ti ko le utu a ia ko Kilisito.