Mateo 24:9 - Tosi Tapu

⁹ Ti e tuku loa koutou ke tautea, mo tamate, ti e vesiainai loa koutou e puleaga fuli, o tupu ko loku suafa.

Mateo 24:9 Iomraidhean Croise

Taagapati 29:27

E fakalialia le kau agatonu ki le tagata agaveli, Ti e fakalialia le kau agaveli ki leia e sako lona ala.

Taniela 11:33

ti ko latou ala e popoto i le kakai, e ako ia loa se kakai toka api. E i ai loa ni iki e vilo loa, i se ga temi, i le seleta, mo le afi, mo le pilisoni, ti mo le fakamakeke.

Mateo 22:6

ti na too loa e iki ni tagata fakasausau, o fakavelivelii mo tamate latou.

Mateo 23:34

Koia loa, ko leinei, e kau kakau atu loa kia koutou ni polofeta, ni tagata poto ti mo ni sekelipa. E kotou tamate loa ni iki, ti e kotou kulusifiko loa ni iki, ti e kotou sasa loa ki laakau ni iki i okoutou sinakoka, ti e kotou fakavelivelii loa latou mei leia a kolo ki leia a kolo,

Luka 11:49

Koia na fakasa ai e le Atua i lona poto : E kau kakau loa kia latou ni polofeta mo ni apositolo ; ti e lotou tamate loa a iki kae e lotou fakavelivelii loa a iki.

Luka 21:12

Kae, i mua o nea fuli ana, e too loa koutou, ti e fakavelivelii loa koutou ; e ave loa koutou ki ni sinakoka, e laku loa koutou ki ni pilisoni, e ave loa koutou ki mua o ni sau mo ni kovana o tupu ko loku suafa.

Soane 15:18

Kapau e vesia le malama nei kia koutou, kotou iloa na uluaki vesia a ia kiate au ia koutou.

Soane 15:21

Kae e lotou fai loa kia koutou a nea fuli ana o tupu ko loku suafa, talie e leaise lotou iloa leia na kakau ia mai au.

Soane 16:2

E lotou kapu loa koutou mei sinakoka ; ti e soko mai loa le ola, ko leia e tamate ia loa koutou e tui loa a ia ko lana gaoi malie a ia ki le Atua.

Gaoi 28:22

Kae e motou fia logo meiate koe totonu pe kolea lau manatu, talie kua motou iloa le fakafesagai i ganea fuli ki le magai lotu lena.

Gaoi 7:59

Ti na lotou tuki fatui loa Setefano, leia na faikole, o pati : Aliki Sesu, tali loku laumalie !

Uluaki tosi a Petelo 4:16

Kae kapau e mamae se tasi ofaipe se kilisiteano, ke aua na luma a ia, kae ke fakakololia a ia ki le Atua, o tupu ko le igoa lena.

Apokalipisi 2:10

Aua na ke i ki le nea leia e ke mamae ai loa. Ko leinei, e ti loa e le Tiapolo ni iki o koutou ki le pilisoni, o tupu ke asiasii ai koutou, ti e kotou maua loa se mamae i aso e kau agafulu. Ke ke agatonu o kaku ki le mate, ti e kau soli loa kiate koe le pala o le mauli.

Apokalipisi 2:13

E kau iloa le ganea leia e ke nofo ai, e kau iloa e tuu i ai le ekeekeaga sau o Satana. E ke taofi mau loku suafa, ti na leaise ke fakafiti ki le tui kiate au, io, i aso foki o Atipasi, ko laku tagata fakamaoki agatonu, leia na tamate ia koutou, i le ganea leia e tuu ai le nofoaga o Satana.

Apokalipisi 7:14

Na kau tali loa kiate ia : Ei loku Aliki, e ke iloa a ia. Ti na pati mai loa a ia kiate au : Ko latou anei na au mei le mamae lasi ; ti kua lotou fo olatou kofu, ti kua lotou fakatetea latou i le toto o le Akeno.