Mateo 24:7 - Tosi Tapu

⁷ E tau loa se kakai ki se tasi kakai, ti e tau loa se puleaga ki se tasi puleaga ; ti e i ai loa, i ganea kesekese, ni oge mo ni mafuike.

Mateo 24:7 Iomraidhean Croise

Lua tosi o Koloniko 15:6

na fetauaki a kakai, mo kolo, talie na fakamamae latou e le Atua ki ni malaia kesekese.

Esaia 19:2

E kau soli loa ni masafu ki le tagata Esipito ke tau ki le tagata Esipito, Ti e tau loa le taina ki lona taina, le kaukau nea ki lona kaukau nea, Le kolo ki le kolo, le puleaga ki le puleaga.

Esaia 29:6

E gaoi loa le Eteleno o kau tau kiate koe i le gugulu o le mana, mo le mafuike, mo se logoa fakaii, Mo le sasataki ti mo le afa, Ti mo le ula o se afi veli.

Esekiele 14:21

Io, e folafola le Aliki, le Eteleno : E logo ai na kau tuku ki Selusalemi aku tautea fakaii e fa, ko le seleta, mo le oge, mo manu fekai, mo le taumasaki, ke tuuti i ai a tagata mo manu,

Esekiele 21:27

Kua vilo ki lona lima atamai le gasau, leia na tusi mo Selusalemi. Ko leinei, ka tuku loa e ia le fakatotonu ke ano ki ai, ti ke fai ni kalaga makeke. E fakatuu loa e ia ni masini tau ki matapa o le kolo, ti e laga loa e ia ni palepale tau, ti e kenu loa e ia ni mumuniaga.

Sakalia 14:13

I le aso lena, e fakatupu loa e le Eteleno se maveuveu lasi ia latou ; E too loa e leia le lima o leia, Ti e lotou siki loa le lima a la ki la.

Luka 21:11

e soko loa ni mafuike lalasi, mo ni oge, ti mo ni taumasaki lalasi, i potu kesekese ; ti e sa loa mei le lagi ni nea fakaii ti mo ni fakamailoga lalasi.

Gaoi 11:28

Ko se tasi o latou na igoa ko Akapusi, na tuu loa ki aluga o fakasa i le Laumalie, e to loa se oge lasi i le malama nei katoa. Ti na to loa le oge lena i le temi o Kolote, sau o le kau Loma.

Gaoi 2:19

E kau fai loa ni nea fakaofolele i aluga i le lagi Ti mo ni milakulo i lalo i le kele, Ei ai loa se toto, mo se afi, ti mo se afui afi ;

Epelo 12:27

Ko kupu anei : " i se tasi faiaga " e fakasa ia le fetogi o nea ala kua lui, o sakinake na fakatupu latou o fakatemi, kae ke tuu o talu oki a nea ala e leaise mafai ke lui.

Apokalipisi 6:12

Ti na kau tio loa, i lana fakamavaa le ono fakamau ; ti na to loa se mafuike lasi, ti na liliu loa le laa o uli ofaipe se taga fului osi, ti na liliu loa le masina katoa o kula ofaipe le toto,

Apokalipisi 6:5

I lana fakamavaa le tolu fakamau, na kau logo loa ki le tolu manu mauli na pati : Au. Ti na kau tio loa, ti ko leinei, na sa mai loa se osi uli. Ti ko leia na eke i ai, na too e ia se fua i lona lima.

Apokalipisi 6:6

Ti na kau logo loa i loto malie o manu mauuli e fa ki se leo leia na pati : Ko se fua fulumeto e tasi ki se tenalio e tasi, ti ko fua fulumeto uli e tolu ki se tenalio e tasi ; kae aua na ke fai se nea veli ki le lolo mo le vino.

Apokalipisi 6:8

Ti na kau tio loa, ti ko leinei, na sa mai loa se osi sega fakapouli. Ti ko leia na eke i ai na igoa ko le mate, ti na muli iate ia le nofoaga o le kau mate. Ti na tuku loa kia laua le pule ki le vaega fa o le malama nei, ke la tamate a tagata ki le seleta, mo le oge, mo le masaki, ti mo manu fekai o le kele.