Mateo 24:5 - Tosi Tapu

⁵ Talie e au loa se toka api i loku suafa, o pati : Ko au ko Kilisito. Ti e lotou fakasesei loa ni kakai toka api ai.

Mateo 24:5 Iomraidhean Croise

Selemia 14:14

Ti na pati mai loa le Eteleno kiate au : Ko le loi lena na fakasa e le kau polofeta i loku suafa, Na leaise kau kakau latou, na leaise kau tuku kia latou se fakatotonu, Na leaise kau masau kia latou ; Ko ni tio loi ana, ni kikite loi, Ni kaka mei olatou loto, ala e lotou fakasa kia koutou.

Selemia 23:21

Na leaise kau kakau a polofeta ana, kae na lotou makape ; Na leaise kau masau fua kia latou, kae na lotou faikikite.

Selemia 23:25

Na kau logo ki le nea leia na fakasa e le kau polofeta, ala na kikite ia le loi i loku suafa, o pati : Na kau fai se moe ! Na kau fai se moe !

Selemia 37:9

E folafola le Eteleno, o pati : Aua na kotou moe miti, o pati : Kua ano le kau Kaletea o mamao meia tatou !

Mateo 24:11

E mafuta loa se kau polofeta loi toka api, ti e lotou fakasesei loa ni kakai toka api ai.

Mateo 24:24

Talie e mafuta loa ni kilisito loi mo ni polofeta loi ; ti e lotou fai loa ni nea fakamanamana lalasi mo ni milakulo ke fakasesei ai, mo ka na feala, latou foki ala kua filifili.

Soane 5:43

Na kau au i le suafa o loku Tamana, ti na leaise kotou tali au : Kapau e au se tasi i lona igoa totonu, e kotou tali loa a ia.

Soane 8:24

Koia leia e kau pati atu ai kia koutou e kotou mamate loa i akoutou agasala ; talie kapau e leaise kotou tui pe ko ai au, ti e kotou mamate loa i akoutou agasala.

Soane 8:28

Ti na pati loa Sesu kia latou : Ka oki loa lakotou fakatuu ki aluga le Vosa o le tagata, ti e kotou iloa loa ko ai au, ti e leaise kau fai fua se nea iate au totonu, kae e kau masau o mulimuli ki le nea leia na ako mai kiate au e le Tamana.

Uluaki tosi a Soane 2:18

Fanau liliki, ko le ola fakamuli leinei, ti na kotou logo, e tonu ke au le atekilisito ; ti ko leinei kua mauke i le temi nei ni atekilisito : I le nea lena e tou iloa ai, ko le ola fakamuli.

Uluaki tosi a Soane 2:22

Ko ai loa e gutu loiloi ? Ko leia e fakafiti ko Sesu e leaise ko le Kilisito a ia. Ko ia lena, ko le atekilisito, leia e fakafiti ki le Tamana mo le Alo.

Uluaki tosi a Soane 4:3

ti ko laumalie fuli ala e leaise fakasa ia na tupu tagata Sesu, e leaise au a ia mei le Atua, ko le laumalie a ia o le atekilisito, leia na kotou logo e au, ti e nofo nei a ia i le malama nei.

Apokalipisi 13:8

Ti na atolasio loa kiate ia a kakai fuli o le malama nei, latou ala na leaise tosi olatou igoa i le tosi o le mauli a le Akeno, leia na tamate talu mei le fakatupu o le malama nei.