Mateo 24:43 - Tosi Tapu

⁴³ Ke kotou iloa le nea lena, kapau na iloa e le pule o le kaiga le ola o le pouli leia e tonu ke au ai le tagata kaia, e alaala loa a ia ti e leaise tuku loa e ia ke ului lona fale.

Mateo 24:43 Iomraidhean Croise

Sopo 24:16

E lotou ulu fakamakeke ki fale i le pouli, Kae lotou fakamaumau i olatou fale i le ao. E leaise lotou iloa le malama.

Taagapati 7:19

Talie e leaise nofo loku avaga i fale, Kua folau a ia ki mamao ;

Mateo 14:25

I le vaega fa o le pouli, na ano loa Sesu kia latou, o saele i aluga o le tai.

Mateo 20:11

I lalatou tali a ia, na lotou gugu loa ki le pule o le fale,

Mateo 24:42

Kotou alaala, talie e leaise kotou iloa le aso leia e au ai loa lokoutou Aliki.

Mateo 24:44

Ti ko koutou foki, ke kotou nonofo teuteu, talie e au loa le Vosa o le tagata i le ola leia e leaise kotou talitali ki ai.

Mateo 25:10

I le lolotoga o lalatou ano o totogi lolo, na kaku mai loa le tagata avaga ; ko latou ala kua teuteu na ulu loa mo le tagata avaga ki le kogafale o le faiavaga, ti na tapono loa le matapa.

Mateo 25:13

Koia kotou alaala ai, talie e leaise kotou iloa le aso mo le ola.

Maleko 13:35

Koia kotou alaala, talie e leaise kotou iloa le lakaga leia e au ai loa le pule o le fale, pe ko le afiafi, pe ko le vaeluapo, pe ko le koukoua o moa, pe ko le usu.

Maleko 6:48

Na tio loa a ia kua lotou pakia ai i le foe ; talie na fakatau le matagi kia latou. I le vae ola tolu mafoata, na ano loa a ia kia latou, o saele i aluga o le tai, ti na fia fakalaka loa a ia ia latou.

Luka 12:38

Pe au a ia i le loto malie o le pouli, pe i le mafoata, manuia a tagata fakasausau ana, mo ka e maua mai loa e ia latou e alaala !

Luka 12:39

Ke kotou matala malie ki le nea leinei : Kanapau na iloa e le pule o le fale le ola leia kua tonu ke au ai le tagata kaia, e alaala loa a ia talie e leaise tuku loa e ia ke ulufia lona fale.

Luka 21:36

Koia kotou alaala ai, ti kotou faikole i temi fuli, o tupu ke kotou maua le makeke ke kotou sao ai i nea fuli ala ka soko mai, ti ke kotou tutuu i mua o le Vosa o le tagata.

Apokalipisi 16:15

Ko leinei, e kau au ofaipe se tagata kaia. Manuia leia e alaala, ti mo taupau ia ona kofu, o tupu ke aua na saele telefua ti ke aua na tio ki lona luma !

Apokalipisi 3:3

Koia ke ke manatui ai pe na feaki lau tali mo lau logo ki le folafola, ti ke ke kukumi a ia, ti ke ke fakasemala. Kapau e leaise ke tokaga, e kau au loa ofaipe se tagata kaia, ti e leaise ke iloa loa pe ko le ola fea leia e kau au ai loa o fakamauatoka a koe.