Mateo 24:39 - Tosi Tapu

³⁹ ti na leaise lotou amanaki fua ki se nea, o kaku ki le to o le lomaki, o ave ai latou fuli : E toe fenaaki loa i le toe liliu mai o le Vosa o le tagata.

Mateo 24:39 Iomraidhean Croise

Senesi 7:23

Na mamate loa a nea fuli ala na mauli i aluga o le kele, mei le tagata o kaku ki le manu lalata, mo manu totolo ti mo manu lele o le lagi : na tamate fuli loa latou ke puli i le kele. Na toe fai a Noe mo latou ala na nonofo mo ia i le aleka.

Taagapati 23:35

E ke pati loa : Na ta au… kae e leaise kau maemaeia !… Na sasa au… kae e leaise kau logoi se nea !… E kau ala fakaa loa ?… koi kau fia inu !

Taagapati 24:12

Kapau e ke pati : a ! na leaise motou iloa !… Pe leaise iloa a ia e leia e fuafua ia le mamafa o loto ? Pe leaise iloa a ia e leia e taupau ia lou laumalie ? Pe leaise totogi loa e ia ki le tagata taki toka tasi o mulimuli ki ana gaoi ?

Taagapati 29:7

E tokaga le tagata agatonu ki le kau mativa, Kae e leaise matala le tagata agaveli le poto lena.

Esaia 42:25

Koia na liligi ai e ia ki Iselaele le vevela o lona ita, Ti mo le makeke o le tau ; Ti na tutu a ia e le tau mei potu fuli, kae na leaise matala fua a ia ; Na vela a ia i le tau, kae na leaise tokaga fua a ia ki ai.

Mateo 16:27

Talie e tonu ke au le Vosa o le tagata i le kololia o lona Tamana, mo ana aselo ; ti e totogi loa e ia ki tagata taki toka tasi o mulimuli ki ana gaoi.

Mateo 24:3

Na tonatona loa a ia i le mauga o Oliveto. Ti na au loa le kau tisipulo tefua, o fai kiate ia le vesili leinei : Fakasa mai kia matou, pe ko le temi fea leia e soko ai loa le nea lena, ti kolea le fakamailoga o lau toe liliu mai ti mo le fakaoki o le malama nei ?

Mateo 24:30

Ti e sa mai loa le fakamailoga o le Vosa o le tagata i le lagi, ti e fetagisi loa a faasiga fuli o le malama nei, ti e lotou tio loa ki le Vosa o le tagata e au i ao o le lagi mo se makeke ti mo se kololia lasi.

Mateo 24:37

Ko le nea leia na soko i le temi o Noe e toe soko loa i le toe liliu mai o le Vosa o le tagata.

Mateo 24:40

Koia loa, i tagata e toka lua e nonofo loa i se faisaga, e too loa le tasi kae tuku loa le tasi ;

Luka 19:44

Ti e lotou maumaui katoa loa a koe, io, a koe mo lou kakai ; ti e leaise lotou tuku loa se fatu i aluga o se tasi a fatu, o tupu na leaise ke iloa le aso leia na fakatele ai kiate koe.

Soane 3:20

Talie ko leia e fai ia le veli e vesia ki le malama, ti e leaise au a ia ki le malama, o tupu ke aua na sa ana gaoi ;

Gaoi 13:41

Kotou tio, koutou kau fia matasoka, Kotou punamauli ti kotou pupuli ; Talie e kau fai loa i okoutou aso se gaoi, Se gaoi leia e leaise kotou tui loa ki ai mo ka fakamatala atu loa a ia kia koutou.

Loma 1:28

O tupu na leaise lotou loto ke iloa le Atua, kua tuku latou e le Atua ki olatou loto fakapouli ke lotou fai ni nea ala e leaise gali mo latou.

Lua tosi a Petelo 3:5

E leaise lotou fia iloa le nea leinei : Na maua i mua ni atu lagi i le folafola a le Atua, ti mo se malama nei leia na toso mei le vai ti na fai ki le vai,

Tuifakamaau 20:34

Na kaku loa a tagata e tino agafulu afe ala na filifili i Iselaele katoa ki mua o Kipea. Na vevela ai le tau, ti na leaise iloa loa e vosa o Pesamino le veli leia ka vilo loa kia latou.