Mateo 24:15 - Tosi Tapu

¹⁵ Koia ka kotou tio loa kua tuu i le potu taputapu leia e igoa ko le fakalialia o le malaia, leia na pati ki ai le polofeta ko Taniela, ke tokaga loa leia e lautosi !

Mateo 24:15 Iomraidhean Croise

Selemia 44:29

Ti ko leinei, e pati le Eteleno, se fakamailoga leia e kotou iloa ai loa e kau tautea loa koutou i le ganea leinei, o tupu ke kotou fakasoko loa aku folafola kia koutou ki lokoutou malaia.

Esekiele 40:4

Ti na pati mai loa le tagata lena kiate au : Vosa o le tagata, tio ou mata, ti fakalogo ou taliga, ti tokaga fakamalielie lou loto ki nea fuli ala e kau fakasa loa kiate koe, talie na aumai a koe ki leinei o tupu ke kau fakasa kiate koe a nea anei. E ke fakasa loa ki le fale o Iselaele a nea fuli ala ka ke tio loa ki ai.

Taniela 1:6

Na nofo ia latou, mei vosa o Suta, a Taniela, mo Anania, mo Misaele ti mo Asalia.

Taniela 11:31

E au loa ni solia i lana fakatotonu ; ti e lotou fakakelekele loa le fale tapu, mo le kolo tau, ti e lotou taofi loa le failaulau o aso taki tasi, ti e lotou fakatuu loa ki le aletale le fakatata fakalialia o le tagata maumau.

Taniela 12:11

Mei le temi leia e fakagato ai loa le failaulau o aso taki tasi, ti e fakatuu ai loa i le aletale le fakalialia a le tagata maumau, e i ai loa ni aso e afe kau lelau lua kau iva.

Taniela 9:23

I lau kamata faikole, na kaku mai loa le folafola, ti kua kau au o fakasa atu a ia kiate koe ; talie ko koe ko se tagata alofaina. Tokaga ki le folafola, ti mo ke matala ki le tio !

Taniela 9:25

Koia ke ke iloa ai ti mo ke matala ki le nea leinei : Mei le lakaga leia na fakasa ai e le folafola e toe laga loa Selusalemi, o kaku ki le Mesia, le Takitaki, e i ai ni vasaa e fitu ti mo ni vasaa e kau ono tupu lua : e toe laga loa a lapalasi mo kanivo, kae i ni temi maveuveu.

Taniela 9:27

I le vasaa fakaoki, e fai loa e ia se sai makeke mo se i. Ti e fakagato loa e ia i loto malie o le vasaa a failaulau mo moliga ; e fai loa e le tagata maumau ni nea fakalialia lasi, o kaku ki le temi leia e maumaui ai loa a ia ti e vilo ai loa kiate ia le nea leia kua fakatuutuu.

Mateo 24:16

Ti ko latou ala e nonofo loa i Sutea ke fesolaki ki mauga ;

Maleko 13:14

Ka kotou tio loa ki le tagata leia e igoa ko le Fakalialia o le veli, kua fakanofo i le ganea leia e leaise tonu ke nofo ai, ko leia e lautosi ke matala ! Ti ko latou ala e nonofo loa i Sutea ke fesolaki ki mauga ;

Luka 19:43

E soko mai loa kiate koe ni aso ala e takatakai ai loa a koe e ou fili ki ni popoko, o taui a koe, ti mo tapotapono a koe i potu fuli ;

Luka 21:20

Ka kotou tio loa kua takatakai Selusalemi e ni kau tau, ti kotou iloa kua vave fua lona maumaui.

Soane 11:48

Kapau e tou tuku a ia ke fai, e tui loa a tagata fuli kiate ia, ti e au loa le kau Loma o maumaui lotatou kolo mo lotatou puleaga.

Gaoi 21:28

o kalaga : Tagata Iselaele, tokoi mai kia matou ! Ko leinei le tagata leia e akonaki ki le kakai katoa i potu fuli o fakafesagai ki le kakai Iselaele, mo le lao, ti mo le ganea leinei ; ti na fakaulu foki e ia ni Keleka ki le fale tapu, o fakakelekele ai le ganea taputapu leinei.

Gaoi 6:13

Na lotou aumai loa ni tagata fakamaoki loi ke lotou pati : E leaise tuku e le tagata leinei ana lauveli ki le fale tapu maokioki, ti mo le lao ;

Epelo 2:1

Koia e tonu ai ke tou asilisili pipiki ki nea ala kua tou logo ki ai, ke aua na tou tafea mamao meia latou i se aso.

Apokalipisi 1:3

Manuia leia e lau ia le tosi ti mo latou ala e fakalogo ki folafola o le folafola kikite, ti mo fai ia a nea fuli ala e tosi i ai ! Talie kua ofi le temi.

Apokalipisi 3:22

Ko leia e maua ia ni taliga ke logo a ia ki le nea leia e fakasa e le Laumalie ki Ekelesia.