Mateo 23:7 - Tosi Tapu

⁷ e lotou loto ke fakamalo ake kia latou i ganea apiapi, ti ke too e tagata kia latou le igoa ko Lapi, pule.

Mateo 23:7 Iomraidhean Croise

Mateo 11:16

E kau fakatatau loa kiate ai le tautupu leinei ? E tatau a ia mo ni toe ala e nonofo i ni malae fakafenua, ti e lotou kalaga ki olatou kaukau nea,

Mateo 23:8

Kae ko koutou, aua na fakaigoa koutou ko Lapi, talie ko se fa toka tasi ko lokoutou Pule, ti ko fetaina fuli koutou.

Mateo 26:25

Na masau loa Sutasi, leia na fakatau ia a ia, o pati : Pe ko au, Lapi, pule ? Na tali loa Sesu kiate ia : Kua ke pati ki ai.

Mateo 26:49

I le lakaga lena, na fakafeofi mai loa Sutasi kia Sesu, o pati : Malo, Lapi ! pule. Ti na sogi loa a ia kiate ia.

Maleko 10:51

Ti na pati loa Sesu kiate ia : Kolea leia e ke loto ke kau fai kiate koe ? Na tali loa le tagata kivi kia Sesu : Pule, ke kau tio.

Maleko 11:21

Ti na fakamanatu loa e Petelo le nea na soko, o pati kia Sesu : Pule, tio, kua malo le fiki leia na ke tutuku ia.

Maleko 12:38

Na pati loa Sesu kia latou i lana akonaki : Kotou tokaga ai ki le kau sekelipa, ala e manako ke taka mo kofu loloa, ti ke fakamalo ake kia latou i ganea apiapi ;

Maleko 14:45

I lana kaku mai fai, na fakafeofi loa a ia kia Sesu, o pati kiate ia : Pule ! Ti na sogi loa a ia kia Sesu.

Maleko 9:5

Na masau loa Petelo, o pati kia Sesu : Pule, e malie ke tou nonofo i leinei ; e motou fakatuu loa ni falela e tolu, ko se tasi mo ou, ko se tasi mo Moisese, ti ko se tasi mo Elia.

Luka 11:43

Malaia kia koutou, kau faliseo ! Talie e kotou manako ki uluaki ekeekeaga i sinakoka, ti e kotou afa a fakamalo i malae fakafenua.

Soane 1:38

Na mafuli loa Sesu, o tio e la muli iate ia, ti na pati loa a ia kia laua : Kolea e kolua afa ? Na la tali loa : Pule e ke nofo ifea ?

Soane 1:49

Na tali loa Natanaele, o toe pati : Pule, ko koe ai ko le Alo o le Atua, ko le Sau o Iselaele.

Soane 11:8

Na pati loa le kau tisipulo kiate ia : Pule, na leikiaise fualoa le afa e le kau Sutea ke tuki fatui a koe, ti e ke toe liliu ki Sutea !

Soane 20:16

Na pati loa Sesu kiate ia : Malia ! Na maliu loa Malia, o pati kiate ia i le fakaepeleo : Rabbouni ! (Ko lona uiga, Pule).

Soane 3:2

leia na au loa kia Sesu i le pouli, o pati kiate ia : Pule, e motou iloa ko se toketa a koe na au mei le Atua ; talie e leaise tasi e fai ia a milakulo ana e ke fai, mo kapau e leaise nofo le Atua iate ia.

Soane 3:26

Na lotou ano loa kia Soane, o pati kiate ia : Pule, ko leia na nofo mo koe i leia atu kauvai o le Solotane, leia na ke fakamaoki ki ai, ko leinei, e faipapitema a ia, ti kua ano fuli le kakai kiate ia.

Soane 4:31

I le temi lena, na fakakolekole e le kau tisipulo kiate ia ke kai, o pati : Pule, kai.

Soane 6:25

Ti na lotou maua loa a ia i leia atu fetuu o le tai, o pati kiate ia : Pule, na ke au nafea ki leinei ?

Soane 9:2

Na fai loa e ana tisipulo kiate ia le vesili leinei : Pule, ko ai na agasala, ko le tagata leinei pe ko ona matua, ke tupu kivi ai a ia ?