Mateo 23:4 - Tosi Tapu

⁴ E lotou sai ni kavega mamafa, o teki ki tuauma o tagata, kae e leaise lotou loto ke fafa fua ki ai olatou maikao.

Mateo 23:4 Iomraidhean Croise

Esaia 46:1

Kua fakapulou a Pele, ti kua vilo a Nepo. Kua teki ola fakatata ki ni manu, ki ni pipi ; Kua amo laua pe se kavega, ti kua mafaia ai a manu ti kua lotou gaegae foki.

Mateo 23:23

Malaia kia koutou, kau sekelipa mo kau faliseo malualoi ! Talie e kotou totogi le vaega kau agafulu o le menete, mo le aneti, mo le kumini, kae e kotou tuku kese a nea mauiga o le lao, le faitotonu, mo le manavaalofa, ti mo le maokioki : Ko na a nea ala e tonu ke fai, ti e leaise fakanoai foki mo la ake a nea.

Mateo 23:3

Koia ke kotou fai ti mo kotou taupau a nea fuli ala e lotou pati atu ki ai ; kae aua na kotou mulimuli ki alatou gaoi. Talie e lotou pati, kae e leaise lotou fai.

Luka 11:46

Ti na tali loa Sesu : Malaia foki kia koutou, kau toketa o le lao ! Talie e kotou teki ki le kakai ni kavega e faigataa lona amo, ti e leaise kotou fakalave fua kia latou se maikao fua e tasi o okoutou lima.

Gaoi 15:10

Ti ko leinei, kolea e kotou asiasii ai le Atua, o kotou teki ai ki le ua o le kau tisipulo se kavega leia na leaise mafai ke amo e otatou tamana pe ko tatou totonu ?

Gaoi 15:28

Talie na malie ki le Laumalie Maokioki ti mo matou foki, ke aua na fakamaua kia koutou se tasi ake kavega i le nea leia e aoga,

Kalate 6:13

Talie e leaise fai e le kau lee silikosisio totonu le lao ; kae e lotou loto ke silikosisio koutou, o tupu ke lotou fakakololia i lokoutou tino.

Uluaki tosi a Soane 5:3

Talie ko leinei le alofa ki le Atua, ko le fai o ana fakatotonu ; ti e leaise faigataa ana fakatotonu kia tatou,

Apokalipisi 2:24

Kae kia koutou, kia latou fuli ake ala o Tiatile, latou ala e leaise tali ia le akonaki lena, ti na leaise iloa ia a nea loloto o Satana, ofaipe lalatou fakaigoa latou, e kau pati atu kia koutou : E leaise kau toe teki loa kia koutou se tasi ake kavega ;