Mateo 23:23 - Tosi Tapu

²³ Malaia kia koutou, kau sekelipa mo kau faliseo malualoi ! Talie e kotou totogi le vaega kau agafulu o le menete, mo le aneti, mo le kumini, kae e kotou tuku kese a nea mauiga o le lao, le faitotonu, mo le manavaalofa, ti mo le maokioki : Ko na a nea ala e tonu ke fai, ti e leaise fakanoai foki mo la ake a nea.

Mateo 23:23 Iomraidhean Croise

Taagapati 21:3

Ko le fai o le faitotonu mo le maoki, Ko lena le nea e mauiga ake ki le Eteleno i sakilifisio.

Esaia 28:25

Ka oki lana fakatokatoka le kele, Pe leaise laku loa e ia le niele ti e muluki loa e ia le kumini ? Pe leaise to fakaatu loa e ia le fulumeto, Mo le olese ki se ganea kua fakamailoga, Ti mo le epote i tafatafa ?

Selemia 22:3

E folafola le Eteleno, o pati : Kotou fai le faitotonu mo le agatonu ; kotou saofaki leia kua fakamakeke mei lima o leia e fakamakeke ake kiate ia. Aua na kotou fakavelivelii le matapule, mo le fanau sala matua, mo le fafine lokonui. Aua na kotou agaveli, ti aua na kotou liligi le toto o le tagata agatonu i le ganea leinei.

Oseo 6:6

Talie e kau alofa ki le manava alofa kae leai ki sakilifisio, Ti mo le iloa o le Atua o lasi ake i failaulau.

Levitiko 27:30

E maua e le Eteleno a vaega kau agafulu fuli o magiti o le kele ti mo fua o laakau ; ko se nea a ia kua fakatapui ki le Eteleno.

Mikea 6:8

Na fakasa kiate koe, ei tagata, le nea leia e malie ; Ti ko le nea leia e kole atu e le Eteleno kiate koe, Ke ke fai le nea leia e totonu, Ke ke alofa ki le manava alofa, Ti ke ke saele mo lou Atua i le agamalu.

Mateo 12:7

Kanapau na kotou iloa le uiga o le nea leinei : E kau maua loku fiafia i le manavaalofa, kae leai i ni sakilifisio, na leaise kotou tautea loa ni kakai saosaoa.

Mateo 23:13

Malaia kia koutou, kau sekelipa mo kau faliseo malualoi ! Talie e kotou tapono ki le tagata le puleaga o le atu lagi ; e leaise kotou ulu ki ai koutou totonu, ti e leaise kotou tuku ke ulu ki ai latou ala e fia ulu.

Mateo 9:13

Kotou ano, ti kotou ako le uiga o le nea leinei : E maua loku fiafia i le manavaalofa, kae leai i ni sakilifisio. Talie na leaise kau au o kalagai ni tagata agatonu, kae ni tagata agasala.

Luka 11:42

Kae malaia kia koutou, kau faliseo ! Talie e kotou soli le vaega kau agafulu o le menete, mo le lue, mo faasiga magiti kesekese, kae e kotou fakanoai le faitotonu mo le alofa o le Atua : E tonu ke fai a nea anei, ti ke aua na fakanoai foki mo nea ana.

Luka 18:12

E kau sesunio tua lua i le vasaa, ti e kau soli le vaega kau agafulu o oku koloa fuli.

Uluaki tosi a Samuele 15:22

Na pati loa Samuele : Pe maua e le Eteleno se fiafia i failaulau mo sakilifisio, ofaipe lana maua leia i le fakalogo ki le leo o le Eteleno ? Ko leinei, e malie ake le fakalogo i sakilifisio, ti e malie ake le fai o lana folafola i le gako o ovi tagata.