Mateo 23:15 - Tosi Tapu

¹⁵ Malaia kia koutou, kau sekelipa mo kau faliseo malualoi ! Talie e kotou makape saele i le tai mo le kele o afa se tasi ke tafoki atu kia koutou ; ti ka tafoki loa se tasi, e kotou fakaliliu loa a ia ko se vosa o Ifeli o tua lua ake lona veli ia koutou.

Mateo 23:15 Iomraidhean Croise

Esitele 8:17

I le fenua taki tasi, mo le kolo taki tasi, ti mo ganea fuli ala na kaku ki ai le fakatotonu a le sau, na maua loa e le kau Sutea se fiafia lasi mo se nekenekea, ni kaitasi mo ni fakafiafia. Ti na liliu loa o Sutea se toka api i la ake kakai, talie na vilo loa kia latou le i ki le kau Sutea.

Mateo 23:13

Malaia kia koutou, kau sekelipa mo kau faliseo malualoi ! Talie e kotou tapono ki le tagata le puleaga o le atu lagi ; e leaise kotou ulu ki ai koutou totonu, ti e leaise kotou tuku ke ulu ki ai latou ala e fia ulu.

Mateo 3:7

Kae, i lana tio ki le au o ni faliseo mo ni Satuseo toka api ki lana papitema, na pati loa a ia kia latou : Lanu o gata velo, ko ai leia na ako atu ia kia koutou ke sola i le sausau leia ka vilo mai ?

Mateo 5:22

Kae ko au, e kau pati atu kia koutou ko leia e ita ki lona taina, e tonu ke ave a ia ki le fakamaau ; ko leia e pati loa ki lona taina : Valeuka ! E tonu ke fakatua e le fono lasi : Ti ko leia e pati loa ki lona taina : Uluvale ! E tonu ke fakatua ki le afi o Ifeli.

Mateo 5:29

Kapau e fakatupu siga kiate koe lou fa mata atamai, kapei a ia o ti mamao meiate koe ; talie e malie ake kiate koe ke mate se koga e tasi i ou koga tino, kae ke aua na ti lou tino katoa ki le afi.

Soane 8:44

E kotou tamana kia Satana, ti e kotou fia fakasoko a oli o lokoutou tamana. Na tukipo a ia talu mei le kamataaga, ti e leaise nofo a ia i le maoki, talie e leaise maoki iate ia. Ka puaki e ia le loi, e masau a ia mei lona takele totonu ; talie e loi a ia ti ko le tamana a ia o le loi.

Gaoi 13:10

Ko le tagata a koe kua apele i kaka fuli ti mo veli fuli, ko le vosa o le temonio, ko le fili o le maokioki, pe leaise tuku lau fakavelii a ala totonu o le Aliki ?

Gaoi 13:43

ti i le mavete o le fakatasi, na toka api ai ni Sutea mo ni poloselita tausi malie ki le Atua na muli loa ia Paulo mo Palenapa, ti na la masau loa kia latou, o fakalotoi latou ke pipiki ki le kalasia o le Atua.

Gaoi 14:19

Ti na kaku mai loa mei Atiokia mo Ikone ni kau Sutea, ala na fakalotoveli ia loa le kakai ; ti i le oki o lalatou tuki fatui Paulo, na lotou toso loa a ia ki le tua kolo, talie na lotou tuku kua mate a ia.

Gaoi 14:2

Kae ko le kau Sutea lee tui na fakavelii ia loa le kau pagani ke lotou loto veli ki fetaina.

Gaoi 17:13

Kae i le logo loa a le kau Sutea o Tesalonika kua fakasa foki e Paulo le folafola a le Atua i Pelea, na lotou au loa ki ai, o fakamaveuveui le kakai.

Gaoi 2:10

mo Filisia, mo Pafilia, mo Esipito ti mo potu o Lipia e feofi ki Silene, mo latou ala na au mei Loma, Sutea mo poloselita ;

Gaoi 6:5

Ti na malie loa le manatu lena ki le Ekelesia katoa. Na lotou filifili loa Setefano, tagata na apele i le tui mo le Laumalie Maokioki, mo Filipo, mo Polokole, mo Nikanole, mo Timone, mo Palemenasi, mo Nikola ko se poloselita mei Atiokia.

Kalate 4:17

Ko le alofa leia e lotou maua kia koutou e leaise mea, kae e lotou loto ke tatala koutou meia matou, o tupu ke kotou alofa kia latou.

Kalate 6:12

Ko latou fuli ala e fia mata malie ki le tagata e fakamaua ia koutou ke silikosisio, o tupu fua ke aua na fakavelivelii koutou o tupu ko le koluse o Kilisito.

Efeso 2:3

Ti ko tatou fuli foki, na tou kau ia latou, ti na tou mauli i mua o mulimuli ki oli veveli o lotatou kanofi, o fai a loto o le kanofi mo otou manatu ; ti ko ni fanau tatou o le sausau i le natula, ofaipe tagata fuli.