Mateo 22:4 - Tosi Tapu

⁴ Na toe kakau loa e ia ni iki ake tagata fakasausau, o pati : Kotou pati ki le kau fakaafe : Ko leinei kua kau teuteui laku kaitasi ; kua tamate aku pipi tagata mo aku manu pepeti, ti kua tokamalie a nea fuli, kotou au ki le kaitasi.

Mateo 22:4 Iomraidhean Croise

Neemia 9:17

ti na lotou patigataa loa, ti na lotou galoi loa a nea malilie ala na ke fai kia latou. Na lotou fakafefeka loa olatou loto ; i lolatou fakatutuu, na lotou filifili loa se pule kia latou, ke lotou toe liliu ki le popula. Kae ko koe ko se Atua leia e loto fakamolemole, mo manava alofa, leia e leaise ita vave, ti e mou koloa i le agamalie, o leaise ke tiaki loa latou,

Pesalemo 86:5

Aliki, talie e ke agamalie, e ke fakamolemole, Ti e ke apele i le alofa kia latou fuli ala e tagi kiate koe.

Taagapati 15:17

E malie ake le kai o le mutie i se ganea leia e maua ai le alofa, I le kai o se pipi gako, kae nofo ai le vesia.

Katiko o Katiko 5:1

E kau ulu ki loku oloto, ei loku tuagaane, ei laku feauaki ; E kau tau laku mila mo aku nea fakamanogi, E kau kai laku laui meli mo laku meli, E kau inu laku vino mo laku sua u… Ke ke kai, ei loku mamanaaga, ke ke inu, ke ke kona i le alofa !

Mateo 21:36

Na toe kakau loa e ia ni iki ake tagata fakasausau, o toka api ake ia latou ala na mua ; ti na toe fai fenaaki latou e le kau tagata faivite.

Mateo 22:5

Kae na leaise tuatua fua le kau fakaafe ki le fakaafe, ti na lotou tasi ano loa, ko leia ki lona faisaga, ti ko leia ake ki lona koloa ;

Mateo 22:8

Ti na pati loa a ia ki ana tagata fakasausau : Kua tokamalie le kaitasi ; kae e leaise gali le kau fakaafe mo le kaitasi.

Luka 14:17

I le ola o le kai afiafi, na kakau loa e ia lana tagata fakasausau ke ano o pati ki le kau fakaafe : Kotou au la, talie kua tokamalie a nea fuli.

Gaoi 1:8

Kae e kotou tali loa se makeke, le Laumalie Maokioki, ti e kotou liliu loa ko aku tagata fakamaoki i Selusalemi, mo Sutea katoa, mo Samalia o kaku ki potupotu fuli o le malama nei.

Gaoi 13:46

Kae na asilisili loto makeke loa Paulo mo Palenapa, o pati kia latou : Na tonu ke uluaki fakasa mua kia koutou le folafola a le Atua ; kae, o tupu e kotou fakafiti ki ai, ti e kotou fakasa e leaise kotou aoga ki le mauli lee gato, ko leinei, e ma maliu loa ki le kau pagani.

Loma 8:32

a ia leia na leaise saofaki ia lona Alo totonu, kae na soli e ia a ia o tupu ko tatou fuli, pe feaki ke aua na soli mai loa e ia kia tatou a nea fuli foki mo ia ?