Mateo 22:3 - Tosi Tapu

³ Na kakau loa e ia ana tagata fakasausau ke ano o kalagai latou ala na fakaafe ki le kaitasi ; kae na leaise lotou fia au.

Mateo 22:3 Iomraidhean Croise

Pesalemo 68:11

Na fakatuu loa lou kakai lona nofoaga i le fenua Leia na ke teuteu, ei Atua, i lou agamalie ki le kau mativa.

Esaia 30:15

Talie na folafola le Aliki, le Eteleno, le Sagato o Iselaele, o pati : I le tafoki mai kiate au mo le nofo iate au, e kotou maua ai le mauli ; I le agamalu mo le tui kiate au, e kotou maua ai le makeke. Kae na leaise kotou loto ki ai !

Selemia 25:4

Na kakau mai e le Eteleno kia koutou ana tagata fakasausau fuli, le kau polofeta, ti na kakau mai e ia latou kia koutou koi usu, kae na leaise kotou fakalogo, ti na leaise tokaga okoutou taliga.

Selemia 35:15

Na kau kakau atu kia koutou aku tagata fakasausau fuli, le kau polofeta, na kau kakau atu latou koi usu, o pati kia koutou : Kotou tasi toe liliu mai mei lona ala veli, kotou fai akoutou gaoi ke malilie, aua na kotou ano o tausi ki ni iki ake atua kese, o tupu ke kotou nonofo loa i le fenua leia kua kau soli kia koutou mo okoutou tamana. Kae na leaise tokaga mai okoutou taliga, ti na leaise kotou fakalogo mai kiate au.

Oseo 11:2

Kae na lotou fakamamao ia latou ala na kalagai ia latou ; Na lotou fai ni sakilifisio kia Paale, Ti na lotou momoli se iseso ki taulaatua.

Oseo 11:7

E pipiki loku kakai ke fakamamao iate au ; E toe fakamanatu kia latou le Taualuga, Kae e leaise tasi fua ia latou e fakavikiviki kiate ia.

Sofoni 1:7

Fakalologo i mua o le Aliki, le Eteleno ! Talie kua ofi le aso o le Eteleno, Talie kua teuteu e le Eteleno le sakilifisio, ti kua filifili e ia ana kau fakaafe.

Mateo 21:34

I le temi o le fuata, na kakau loa e ia ana tagata fakasausau ke ano ki le kau tagata faivite, o afa le fua o lana vite.

Mateo 23:37

Selusalemi, Selusalemi, leia e tamate ia le kau polofeta ti mo tuki fatui ia latou ala na kakau atu kiate koe, kua tua fia loku loto ke kau fakatasii au fanau ofaipe se ufa leia e fakatasii ia ona uviki i lalo o ona kapakau, kae na leaise kotou loto ki ai !

Mateo 3:2

Na pati a ia : Kotou fakasemala, talie kua ofi mai le Puleaga o le atu lagi.

Mateo 9:15

Na tali loa Sesu kia latou : Pe feala ke mamae a kaukau nea o le tagata avaga, kae koi nofo le tagata avaga mo latou ? E soko mai loa a aso ala e too ai loa le tagata avaga meia latou, ti e lotou sesunio loa.

Luka 13:34

Selusalemi, Selusalemi, leia e tamate ia le kau polofeta mo tuki fatui ia latou ala na kakau mai kiate koe, kua tua fia loku loto ke tanaki au fanau, ofaipe se tanaki e se ufa lona toloaki i lalo o ona kapakau, kae na leaise kotou loto ki ai !

Luka 15:28

Na itaita loa le vosa uluaki, ti na leaise loto loa a ia ke ulu ki fale. Na ulu ake loa lona tamana ki fafo o kole kiate ia ke ulu ki fale.

Luka 19:27

Kae, kotou aumai ki leinei oku fili, ala na leaise loto ke kau sau kia latou, ti kotou tamate latou i oku mua.

Soane 5:40

Ti e leaise kotou fia au kiate au, o tupu ke kotou maua le mauli !

Gaoi 13:45

Ko le kau Sutea, i lalatou tio ki le kakai, na apele loa i le finenonofo, ti na lotou fakafesagai loa ki nea ala na masau ki ai Paulo, o lotou lauveli mo gologolo kiate ia.

Loma 10:21

Kae na pati a ia ki Iselaele : Na kau folasi oku lima i le aso katoa ki se kakai patigataa Ti mo taugutu.

Epelo 12:25

Kotou tokaga ke aua na kotou fakafiti ki leia e masau atu kia koutou ; talie kapau na leaise sao latou ala na fakafiti loa ke logo ki leia na fakasa ia ni folafola i le malama nei, e feaki ake loa ke tou sao mo kapau e tou titua ki leia e masau mei le lagi,

Epelo 9:15

Ti koia leia kua liliu ai a ia ko le fakasokopati o se sai foou, o tupu ke tali e latou ala na kalagai a nea malilie lee gato ala na fakapapau kia latou. Kua lotou mafai a ia, talie kua soko se mate, ti kua aga le mate lena o fakamauli a tagata mei sala ala na lotou fai i lalatou koi fakalogo ki le uluaki sai.

Apokalipisi 22:17

Ti e pati le Laumalie mo le fafine avaga : Au. Ti ke pati leia e logo ki ai : Au. Ti ke au leia e fia inu ; ko leia e loto ke too le vai o le mauli sala totogi.

Uluaki tosi a Samuele 9:13

Ka kolua ulu loa ki le kolo, e kolua maua loa aia i mua o lana pale ki le ganea tapu ki le kai ; talie e leaise kai loa le kakai i mua o lana tau ake, talie e tonu ke tapuaki a ia ki le sakilifisio ; ti oki a ia, e kakai loa le kau fakaafe. Koia kolua pale nei, talie e kolua maua loa a ia i le ola nei.