Mateo 22:15 - Tosi Tapu

¹⁵ Na ano loa le kau faliseo o fonofono ki se puleaki leia ke maua ai se sala ma Sesu i ana masau totonu.

Mateo 22:15 Iomraidhean Croise

Pesalemo 2:2

Kolea kua malaga ai ki aluga a sau o le malama nei, Ti kua kau ai a pule mo latou, O agatuu ki le Eteleno mo lona mesia ?

Pesalemo 41:6

E pati fakaveli oku fili kiate au : Pe mate loa a ia afea ? Pe puli loa lona igoa afea ?

Pesalemo 57:6

Ei Atua, fakasa lou Taualuga leia e lasi ake i le atu lagi ! Fakamu lou kololia i le malama nei katoa !

Pesalemo 59:3

Saofaki au i le kau agaveli, Ti ke fakamauli au i tagata o le toto !

Esaia 29:21

Latou ala na tuku ia ni sala ki ni iki i le fakamaauaga, Na fai ia ni masele ki tui fakamaau i le matapa, Ti na fakatua noa ia leia e mea.

Selemia 18:18

Ti na lotou pati : Kotou au, tou fonofono kia Selemia ! Talie e leaise puli loa le lao mo kapau e leaise maua ni tagata faisakilifisio, Pe ko le tokoi, mo kapau e leaise maua ni kau poto, Pe ko le folafola, mo kapau e leaise maua ni kau polofeta. Kotou au, tou tamate a ia ki le alelo ! Aua na tou tokaga ki ana masau !

Selemia 20:10

Talie e kau logo ki masau veli a le toka api kiate au : Kua taka le fakaii i potu fuli. Kotou tukugavelii a ia, ti e motou tukugavelii loa a ia ! Kua lamalama au e latou fuli ala na tokamalie mo au pe kau siga, o pati : E siga loa a ia i se temi ti tou tapo loa a ia, Ti e tou pule loa kiate ia, E tou totogi loa kiate ia !

Mateo 12:14

Na ulu loa le kau faliseo ki fafo, ti na lotou fonofono loa ki se puleaki ke tamate ai Sesu.

Uluaki tosi ki le kau Kolinto 7:35

E kau fakasa le nea lena ke aoga kia koutou : e leaise tupu ke maselei ai koutou, kae ke amo ai koutou ki le nea leia e malie mo aoga ke kotou pipiki ai ki le Aliki sala fakavisi.

Epelo 12:3

Koia, ke kotou tokaga mua ki leia na kataki ia le agatuu lasi lena mei le kau agasala, o tupu ke aua na kotou kaekae mo loto gaegae.