Mateo 22:13 - Tosi Tapu

¹³ Ti na pati loa le sau ki ana tagata fakasausau : Kotou sai ona vae mo ona lima, ti kotou ti a ia ki le fakapouli i fafo, leia e logo ai loa ki ni tagi mo ni fetati o nifo.

Mateo 22:13 Iomraidhean Croise

Pesalemo 112:10

E tio ki ai le tagata agaveli, ti e itaita a ia ; E gugu e ia ona nifo, ti e okioki a ia ; E pupuli noa a oli o le kau agaveli.

Pesalemo 37:12

E fai e le tagata agaveli ni fakatuutuu veli ki le tagata agatonu, Ti e gugu e ia ona nifo kiate ia.

Esaia 52:1

Ke ke alaala ! Ke ke alaala ! Ke tui lou kofu fulumalie, Sione ! Ke ke tui ou kofu fakateuteu, Selusalemi, kolo maokioki ! Talie e leaise toe ulu loa i lou fale se tagata lee silikosisio pe ko se tagata kelekele.

Taniela 3:20

Ti na fakatotonu loa e ia ki ni iki i le kau tagata makeke o lona kau solia ke saisai Satalake, mo Mesake, mo Apeteneko, ti ke ti latou ki le gutuumu kaka.

Mateo 12:29

Pe mafai e se tasi ke ulu ki le fale o se tagata makeke, o too ona koloa, kae e leaise sai mua e ia le tagata makeke lena ? Kao oki loa a ia i le sai, ti o kaia loa e ia lona fale.

Mateo 13:30

Kotou tuku ke la sosomo fakatasi o kaku ki le temi leia e la matutua ai, ti, i le temi tuuti o le fulumeto, e kau pati loa ki le kau tagata gaoi : Kotou taaki mua le sisania, o fui a ia ke tutu, kae kotou tanaki le fulumeto ki loku fata.

Mateo 13:42

ti e lotou laku loa latou ki le afi kaka, leia e logo ai loa ki ni tagi mo ni fetati o nifo.

Mateo 13:50

ti e lotou laku loa le kau agaveli ki le afi kaka, leia e logo ai loa ki ni tagi mo ni fetati o nifo.

Mateo 24:51

Ti e tautea fakaveliveli loa e ia le tagata fakasausau lena, o soli kiate ia lona vaega mo le kau malualoi : Ko lena le ganea leia e maua ai loa ni tagi mo ni fetati o nifo.

Mateo 25:30

Kotou ti le tagata fakasausau lee aoga, ki le fakapouli i fafo, leia e maua ai loa ni tagi mo ni fetati o nifo.

Mateo 8:12

Kae e ti loa a vosa o le Puleaga ki le fakapouli o fafo, ki le ganea leia e logo ai loa ni tagi mo ni fetati o nifo.

Luka 13:28

Ko lena le ganea leia ka maua ai loa a tagi mo fetati o nifo, mo ka kotou tio loa kia Apalaamo, mo Isaake, mo Sakopo, ti mo le kau polofeta katoa i le puleaga o le Atua, kae e ti loa koutou ki fafo.

Soane 21:18

E maoki, e maoki, e kau pati atu kiate koe, i lou koi tupulaga, na ke toi totonu a koe, ti na ke ano ki ganea ala na ke loto ki ai ; kae ka ke matua loa, e ke folasi loa ou lima, ti e toi loa a koe e se tasi ake, o taki a koe ki le ganea leia e leaise ke loto loa ki ai.

Gaoi 21:11

o au loa kia matou. Na too loa e ia le kilipipi o Paulo, o sai ki ona vae mo ona lima, o pati : Ko leinei le nea leia e fakasa e le Laumalie Maokioki : Ko le tagata leia o ona le kilipipi leinei, e saisai feneeki loa a ia e le kau Sutea i Selusalemi, ti e lotou tuku loa a ia ki lima o le kau pagani.

Gaoi 7:54

I lalatou logo ki masau ana, na itaita loa i olatou loto, ti na lotou gugu loa olatou nifo kiate ia.

Lua tosi ki le kau Tesalonika 1:9

E tautea loa latou ki se maumau lee gato, o mamao mei mata o le Aliki ti mo le kololia o lona makeke,

Lua tosi a Petelo 2:17

Ko tagata ana ko ni vai mamasa latou, ko ni ao latou kua viligia i se afa ; ti kua taofi kia latou se nofoaga i le fakapouli lee gato.

Lua tosi a Petelo 2:4

Talie, kapau na leaise fakasao e le Atua le kau aselo leia na agasala, kae na ti e ia latou ki ifeli, leia e taofi ai mo saisai ai latou o pilisoni i ni sosoni o le fakapouli ki le aso o le fakamaau ;

Suta 1:13

Ko ni galu itaita latou o le tai, ala kua laku ia le piau o olatou mauli fakakelekele ; ko ni fetuu lele latou, ala kua taofi ki ai le uli gaogao o le fakapouli lee gato.

Suta 1:6

ti na taupau e ia ki le aso lasi o le fakamaau, o sai o lee gato e le fakapouli, le kau aselo leia na leaise taupau ia olatou tulaga, kae na lotou tiaki lolatou nofoaga totonu ;

Apokalipisi 21:27

Ti e leaise ulu loa ki ai se nea kelekele, pe ko se tasi leia e fai nea fakalialia, pe ko se tasi leia e loi ; kae e ulu loa ki ai latou ala kua tosi i le tosi o le mauli a le Akeno.