Mateo 22:11 - Tosi Tapu

¹¹ Na ulu loa le sau o tio kia latou ala na eke i le laupapa kai, ti na fakatokagai loa e ia se tagata leia na leaise kofu ki se kofu o le faiavaga.

Mateo 22:11 Iomraidhean Croise

Lua tosi o Sau 10:22

Na pati loa a Seu ki leia na leo ki le fale tukuaga kofu : Too mai ni kofu ki tagata fakasausau fuli a Paale. Ti na too loa e le tagata lena ni kofu ki tagata fakasausau a Paale.

Esaia 52:1

Ke ke alaala ! Ke ke alaala ! Ke tui lou kofu fulumalie, Sione ! Ke ke tui ou kofu fakateuteu, Selusalemi, kolo maokioki ! Talie e leaise toe ulu loa i lou fale se tagata lee silikosisio pe ko se tagata kelekele.

Esaia 64:6

E leaise tasi leia e fetapa ki lou suafa, Leia e ala ake i le usu o pipiki kiate koe : Koia na ke fufu ai ou mata kia matou, Ti na ke tuku ai matou ke mamate i amatou agasala.

Tagi laulau a Selemia 5:22

Pe kua ke tiaki oki loa matou, Pe kua ke ita loa kia matou o tukupau ?

Sofoni 1:12

I le aso lena, e kau ina loa Selusalemi ki ni malama, Ti e kau tautea loa a tagata ala e malolo fakafimalie ofaipe le takele o le vino i le fa poe, Ti e pati i olatou loto : E leaise fai e le Eteleno se malie pe ko se veli.

Mateo 13:30

Kotou tuku ke la sosomo fakatasi o kaku ki le temi leia e la matutua ai, ti, i le temi tuuti o le fulumeto, e kau pati loa ki le kau tagata gaoi : Kotou taaki mua le sisania, o fui a ia ke tutu, kae kotou tanaki le fulumeto ki loku fata.

Mateo 22:10

Na ano loa a tagata fakasausau ki ala, o lotou tae latou fuli ala na lotou maua loa i ai, le kau agaveli mo le kau agamalie, ti na apele loa le kogafale o le kaitasi i le kau fakaafe.

Mateo 3:12

E too e ia i lona lima lana laakau sasa fulumeto, ti e fakamea loa e ia lona sasaaga fulumeto, ti e tanaki loa e ia lana fulumeto ki le fale tanaki magiti, kae e tutu loa e ia a kaui fulumeto i se afi leia e leaise toe mate.

Loma 13:14

Kae ke kotou kofu ki le Aliki ko Sesu-Kilisito, ti ke aua na kotou tokaga ki le tino o mulimuli ki ona olioli.

Loma 3:22

le faitotonu o le Atua i le tui kia Sesu-Kilisito kia latou fuli ala e tui.

Uluaki tosi ki le kau Kolinto 4:5

Koia ke aua na kotou fakamaaui ai se nea i mua o le aso, o kaku ki le au o le Aliki, leia e fakasa ia loa ki le malama le nea leia e munia i le fakapouli, ti mo manatu o loto. Ti e tali loa e le tagata taki toka tasi le fakavikiviki mei le Atua.

Lua tosi ki le kau Kolinto 5:3

mo ka maua mai maua e ma kofu, kae leaise ma telefua.

Kalate 3:27

Ko koutou fuli, ala kua papitema ia Kilisito, kua kotou kofu Kilisito.

Efeso 4:24

ti ke kotou kofu le tagata foou, leia na fakatupu ke tatau mo le Atua i se faitotonu mo se maokioki ala e au mei le maoki.

Apokalipisi 16:15

Ko leinei, e kau au ofaipe se tagata kaia. Manuia leia e alaala, ti mo taupau ia ona kofu, o tupu ke aua na saele telefua ti ke aua na tio ki lona luma !

Apokalipisi 19:8

ti kua tuku kiate ia ke teuteu a ia ki se kie tea maninifi, mo gigila, mo mea ; talie ko le kie tea maninifi ko gaoi maokioki a ia a le kau sagato.

Apokalipisi 2:23

E kau tautea loa ki le mate ana fanau ; ti e iloa loa e Ekelesia fuli ko au leia e ului ia a ifiifi mo mafu, ti e kau totogi loa ki le tagata taki toka tasi o mulimuli ki ana gaoi.

Apokalipisi 3:18

e kau kole kiate koe ke ke totogi atu iate au se aulo kua fakamea e le afi, o tupu ke ke liliu o mou koloa, ti mo ni kofu tetea, o tupu ke ke kofu ai, ti ke aua na sa le luma o lou telefua, ti mo se tului ke tului ai ou mata, o tupu ke ke tio malama.