Mateo 21:41 - Tosi Tapu

⁴¹ Na lotou tali loa kia Sesu : E tamate fakaveliveli loa e ia a tagata itaita ana, kae toe lue loa e ia le vite ki ni iki ake tagata faivite, ala e soli ia loa kiate ia le fua o le vite i le temi o le fuata.

Mateo 21:41 Iomraidhean Croise

Pesalemo 2:9

E ke fatifatii loa latou ki se tokotoko ukamea, E ke fatifatii loa latou ofaipe le ipu a se tagata faiipu.

Esaia 65:15

E kotou tuku loa okoutou igoa ko se takuga malaia ki aku kau filifiliia ; E fakamamate loa koutou e le Aliki, le Eteleno, Kae soli loa e ia ki ana tagata fakasausau se igoa foou.

Taniela 9:26

I le oki o vasaa e kau ono tupu lua, e too loa le Mesia, ti e leaise maua loa sona fetogi. E au loa se pule mo lana solia, o maumaui le kolo mo le fale tapu. Kae e soko loa lona fakaoki ofaipe se lomaki ; kae o kaku ki lona mate, e fai loa e ia se tau maumau, o mulimuli ki le nea leia kua fakatotonu.

Sakalia 12:12

E tagi loa i le fenua katoa, i famili taki tasi : Le famili o le fale o Tavite, kese tagata ti kese fafine ; Le famili o le fale o Natane, kese tagata, ti kese fafine ;

Sakalia 13:8

I le fenua katoa, e pati le Eteleno, E motusi loa a vaega tolu e lua i le fenua katoa, Ti e toe loa le vaega tolu e tasi.

Mateo 21:34

I le temi o le fuata, na kakau loa e ia ana tagata fakasausau ke ano ki le kau tagata faivite, o afa le fua o lana vite.

Mateo 21:40

I le lakaga nei, ka au loa le pule o le vite, kolea loa ka fai e ia ki tagata faivite ana ?

Mateo 21:43

Koia, e kau pati atu kia koutou, e too loa le puleaga o le Atua meia koutou, o tuku ki se puleaga leia e fakatupu ia loa ni fua.

Mateo 3:12

E too e ia i lona lima lana laakau sasa fulumeto, ti e fakamea loa e ia lona sasaaga fulumeto, ti e tanaki loa e ia lana fulumeto ki le fale tanaki magiti, kae e tutu loa e ia a kaui fulumeto i se afi leia e leaise toe mate.

Luka 20:16

E au loa a ia, ti e tamate loa e ia a tagata faivite ana, kae soli loa e ia le vite ki ni iki ake. I le logo a le kakai ki le nea lena, na lotou pati loa : E leaise fenaaki loa !

Gaoi 15:7

Ti na fai loa se visi lasi, ti na tuu ake loa Petelo ki aluga, o pati kia latou : Tagata fetaina, kua kotou iloa talu mei fualoa kua fai e le Atua se filifili ia koutou, o tupu ke logo le kau pagani ki le folafola o le Evaselio mei loku gutu, ti ke lotou tui.

Gaoi 18:6

Kae na fakafesagai loa le kau Sutea kiate ia o lauveli kiate ia ; koia na tutui ai loa e Paulo ona kofu, o pati kia latou : Ke toe vilo lokoutou toto ki okoutou ulu ! E kau mea i ai. Kamata atu i le aso nei e kau ano loa ki le kau pagani.

Gaoi 28:28

Koia ke kotou iloa kua kakau le saofaki lena a le Atua ki le kau pagani, ti e lotou fakalogo loa ki ai.

Gaoi 28:8

Na moemoe le tamana o Pupiliusi talie na masaki a ia, ti na lasi ai lona fiva mo lona mamae manava. Na ulu loa Paulo ki lona fale o faikole mo teki ona lima kiate ia, o malie ai loa lona masaki.

Uluaki tosi ki le kau Tesalonika 2:16

Ti e lotou ponopono matou ke aua na motou fakasa ki le kau pagani le folafola leia e fakamauli ai latou. O tupu ke fakakatoa ai alatou agasala. Kae e maua loa latou e le sausau o le Atua.

Epelo 12:25

Kotou tokaga ke aua na kotou fakafiti ki leia e masau atu kia koutou ; talie kapau na leaise sao latou ala na fakafiti loa ke logo ki leia na fakasa ia ni folafola i le malama nei, e feaki ake loa ke tou sao mo kapau e tou titua ki leia e masau mei le lagi,

Epelo 2:3

e tou sao feaki loa mo kapau e tou fakanoai le saofaki lasi lena ? Na uluaki fakasa e le Aliki le saofaki lena, ti na fakamaoki a ia kia tatou e latou ala na logo totonu kiate ia ;