Mateo 21:19 - Tosi Tapu

¹⁹ Ti na tio loa a ia ki se fiki i le ala, ti na fakafeofi loa a ia ki ai ; kae na maua loa e ia ni lau ata, ti na pati loa a ia ki le fiki : Ke aua na toe tupu loa se fua iate koe ! Ti na malo loa le fiki i le temi fai lena.

Mateo 21:19 Iomraidhean Croise

Esaia 5:2

Na fakamaluu loa e ia le kele, Na sau loa e ia a fatu, Ti na to loa e ia i ai se uli vite malie. Na fakatuu loa e ia se tule i loto malie ; Na kenu foki e ia se fa tane tatau vite i ai. Ti na amanaki malie loa a ia e soli loa e ia se fua malie, Kae na tuku loa e ia se fua veli.

Selemia 8:13

E kau loto ke fakapuli latou fuli, e pati le Eteleno ; E leaise toe maua loa se fa vite i le vite, Pe ko se fa fiki i le fiki, Ti e gini loa a lau ; Ti e sola loa ia latou le nea leia na kau soli kia latou.

Mateo 21:20

Ko le kau tisipulo, ala na tio ki le nea lena, na ofolele loa, o pati : Pe na feaki le liliu o le fiki leinei o malo i se ga temi toetoe fua ?

Maleko 11:14

Na pati loa a ia ki le fiki : Ke aua na kai fua se tasi ki lou fua ! Ti na logo loa ana tisipulo ki ai.

Maleko 11:20

I le usu, i lalatou fakalaka i le ala, na tio loa le kau tisipulo ki le fiki kua malo o kaku ki ona aka.

Luka 3:9

Kua tuu foki le toki i aka o laakau : Ko laakau fuli ala e leaise maua ia ni fua malilie, e tuuti loa o ti ki le afi.

Soane 15:2

Ko laa fuli iate au e leaise fua, e tuuti e ia ; ti ko laa fuli e fua, e muto e ia, o tupu ke toe asilisili fua a ia o lasi ake.

Soane 15:6

Kapau e leaise nofo se tasi iate au, e tiaki a ia ki fafo ofaipe le laa vite, ti e malo a ia ; ti e tanaki a ia o ti ki le afi, ke ulaula i ai.

Lua tosi kia Timoteo 3:5

e lotou maua a agaaga o le aga fakaatua, kae e lotou fakafiti ki le nea leia e fakatupu ia lona makeke. Ke ke fakamamao mei tagata ana.

Tito 1:16

E lotou pati kua lotou iloa le Atua, kae e lotou fakafiti kiate ia i alatou gaoi : talie e lotou aga fakalialia, mo patigataa, ti e leaise lotou mafai ia fua se gaoi malie e tasi.

Suta 1:12

Ko ni fatu fakatupu agasala latou i akoutou kaitasi, ala e lotou kai fakavalevale ai mo fakalumaluma. Ko ni ao sala vai latou, ala e viligia i matagi. Ko ni laakau latou o le temi fakamamate, ala e sala fua, ti kua mamate tua lua, ti kua taaki mei le kele.

Apokalipisi 22:11

Ko leia e agaveli ke soko atu lana agaveli, ko leia e kelekele ke soko atu lana kelekele ; ti ko leia e agatonu ke soko atu lana agatonu, ti ko leia e maokioki ke soko atu lana maokioki.