Mateo 21:12 - Tosi Tapu

¹² Na ulu loa Sesu ki le fale tapu o le Atua. Na kapu loa e ia latou fuli ala na fai fakatau ti mo totogi koloa i le fale tapu ; na tekai loa e ia a laupapa o le kau fetogi paaga, ti mo ekeekeaga o le kau fakatau lupe.

Mateo 21:12 Iomraidhean Croise

Ekesote 30:13

Ko leinei le nea leia e soli loa e latou fuli ala e kau loa i le tosi : ko se vaeluai sikele, o mulimuli ki le sikele o le sagatualio, leia ko le kau lua kela ; ko le vaeluai sikele ko le nea alofa lena leia e soli loa ki le Eteleno.

Levitiko 1:14

Ti kapau ko lana moliga ki le Eteleno ko se manu lele ki le failaulau, e momoli loa e ia ni kulukulu pe ko ni lupe koi muli.

Levitiko 12:6

Ti ka oki loa a aso o lona fakamea, tatau fai ki le tama mo le taine, e ave loa e ia ki le tagata faisakilifisio i le matapa o le falela tapu, se akeno fetuu tasi ki le failaulau, ti mo se lupe pe ko se kulukulu ki le sakilifisio o le fakamolemole.

Levitiko 12:8

Ti kapau e leaise maua e ia se nea leia ke totogi ai se akeno, e too loa e ia ni kulukulu e lua pe ko ni lupe muli e lua, ko se tasi ki le failaulau, ti ko se tasi ki le sakilifisio o le fakamolemole. E fai loa e le tagata faisakilifisio kiate ia le fakamalie, ti e mea loa a ia.

Levitiko 14:22

Ti e toe too loa e ia ni kulukulu e lua pe ko ni lupe e lua, o mulimuli ki le nea leia e maua e ia, ko se tasi ki le sakilifisio o le fakamolemole, ti ko se tasi ki le failaulau.

Levitiko 14:30

E too loa e le tagata faisakilifisio se kulukulu pe ko se lupe, o fakalogo ki le nea na avake kiate ia e le tagata lena,

Levitiko 15:14

I le valu o aso, e too loa e ia ni kulukulu e lua pe ko ni lupe e lua, ti e ano loa a ia o tuku laua ki le tagata faisakilifisio, i mua o le Eteleno, i le uluaga o le falela tapu.

Levitiko 15:29

I le valu o aso, e too loa e ia ni kulukulu e lua pe ko ni lupe e lua, ti e ave loa e ia laua ki le tagata faisakilifisio, i le uluaga o le falela tapu.

Levitiko 5:11

Ti kapau e leaise maua loa e ia se nea leia ke totogi ai ni kulukulu e lua pe ko ni lupe muli e lua, e momoli loa e ia ki lana agasala ni kilo falina tea e fa ; kae e leaise liligi loa e ia se lolo i aluga, pe teki loa e ia i aluga se iseso, talie ko se sakilifisio a ia ki le agasala.

Levitiko 5:7

Ti kapau e leaise maua loa e le tagata se nea leia ke totogi ai se manu ikiiki, pe ko se ovi fafine pe ko se koti fafine, ti e momoli loa e ia ki le Eteleno ki le agasala leia kua visia ai a ia ni kulukulu e lua pe ko ni lupe muli e lua ; e momoli loa e ia se tasi a manu ki le agasala, ti ko le tasi a manu ki le failaulau.

Maleko 11:11

Na ulu loa Sesu ki Selusalemi, ki le fale tapu : I le oki o lana tioi a nea fuli i ai, ti kua soko mai le afiafi, na ano loa a ia ki Petania mo le tino agafulu tupu lua.

Luka 2:24

ti ke momoli se sakilifisio, ko ni tu e lua pe ko ni lupe e lua, o mulimuli ki le fakatotonu leia e tuu i le lao a le Aliki.

Soane 2:13

Ti kua ofi le Pasikate o le kau Sutea, na pale loa Sesu ki Selusalemi.