Mateo 20:14 - Tosi Tapu

¹⁴ Too le nea leia e tonu ke ke maua, ti ke ano. E kau fia soli ki leia e muli o tatau mo koe.

Mateo 20:14 Iomraidhean Croise

Lua tosi o Sau 10:16

o pati : Au mo au, ti e ke tio loa ki loku alofa ki le Eteleno. Na ave loa e Seu a Sonatape i lana saliote.

Mateo 20:13

Na tali loa a ia ki se tasi o latou : Ei loku kaukau nea, e leaise kau sala kiate koe ; pe na leaise ke tuku mo au ki se fa tenalio e tasi ?

Mateo 20:15

Pe se taga kiate au ke kau fai ki loku koloa o mulimuli ki le nea leia e kau loto ki ai ? Pe ke tio fakaveli ki loku agamalie ?

Mateo 6:16

Ka kotou sesunio, aua na kotou mata mamae, ofaipe le kau malualoi, ala e fetogi olatou mata talie ke fakasa ai ki tagata e lotou sesunio. E kau pati maoki atu kia koutou, kua lotou maua lolatou fakapale.

Mateo 6:2

Koia ka ke soli ia se nea, aua na ke pupusi le fakatagi i ou mua, ofaipe le fai e le kau malualoi i sinakoka ti mo ala, o tupu ke viki ai latou e tagata. E kau pati maokioki atu kia koutou, kua lotou maua lolatou fakapale.

Mateo 6:6

Kae ka ke faikole, ulu ki lou kogafale, tapono lou matapa, ti ke faikole ki lou Tamana leia e nofo i ai i le ganea fakapulipuli ; ti ko lou Tamana, leia e tio i le ganea fakapulipuli, e toe liufaki ia atu loa a ia kiate koe.

Luka 15:31

Na pati loa le tamana kiate ia : Ei loku fanau, e ke nofo tuumau mo au, ti ko nea fuli a aku a au foki ;

Luka 16:25

Na tali loa Apalaamo : Ei laku fanau, manatui e koe na ke maua au nea malilie i le lolotoga o lou mauli, kae na maua e Lasalo a nea veveli i le lolotoga o lona mauli ; i le aso nei, kua fimalie a ia i leinei, kae ko koe, kua ke mamae.

Soane 17:2

Talie kua ke tuku kiate ia le pule ki tagata fuli, o tupu ke soli e ia le mauli lee gato kia latou fuli ala kua ke soli ki ai.

Loma 3:19

Ti e tou iloa ko nea fuli ala e pati ki ai le lao e fakasa e ia kia latou ala e mauli i le lao, o tupu ke tapono a gutu fuli ti ke iloa kua agasala le malama nei katoa i mua o le Atua.

Loma 3:4

E leai ai ! Ke maoki le Atua, kae loi tagata fuli, o mulimuli ki le nea leia kua tosi : O tupu ke maua a koe e faitotonu i au masau, Ti ke ke malo i lou fakamaau.