Mateo 2:8 - Tosi Tapu

⁸ Ti na kakau loa e ia latou ki Peteleemi, o pati : Kotou ano, ti kotou afaafa a anoaga totonu fuli o uiga mo le ga toe ; ti ka kotou maua loa a ia, kotou fakailo mai kiate au, o tupu ke kau ano foki mo au totonu o atolasio kiate ia.

Mateo 2:8 Iomraidhean Croise

Lua tosi a Samuele 17:14

Na pati loa Apesalone mo le kakai katoa o Iselaele : E malie ake le tokoi a Usai, le tagata Aleki, i le tokoi a Asitofele. Talie kua fakatotonu e le Eteleno ke fakanoai le tokoi malie a Asitofele, o tupu ke aumai ai le malaia kia Apesalone.

Uluaki tosi o Sau 19:2

Na kakau loa e Sesapele se tagata avelogo kia Elia, o pati kiate ia : Ke tautea au e oku atua i lolatou makeke katoa mo kapau i apogipogi, i le ola leinei, e leaise kau fai loa ki lou mauli le nea leia na ke fai ki le mauli o le kau polofeta !

Taagapati 21:30

E leaise tuu se poto, pe ko se atamai, Pe ko se tokoi i mua o le Eteleno.

Tagi laulau a Selemia 3:37

Ko ai e pati loa e soko se nea, Kae na leaise fakatotonu a ia e le Aliki ?

Mateo 2:1

Na tupu Sesu i Peteleemi i Sutea, i le temi o le sau ko Elote, ti na kaku mai se kau masi mei Olieto ki Selusalemi,

Mateo 2:7

Na kalagai fakapulipuli loa e Elote le kau masi, ti na afaafa totonu loa e ia kia latou pe na talu mei nafea le mu o le fetuu.

Mateo 2:9

I le oki o lalatou fakalogo ki le sau, na lotou ano loa. Ti ko le fetuu leia na lotou tio ki ai i Olieto na ano i mua o latou o kaku ki le lakaga leia na kaku ai loa a ia ki aluga o le ganea leia na nofo ai le ga toe, ti na tuu loa a ia.