Mateo 2:6 - Tosi Tapu

⁶ Ti ko koe, Peteleemi, kele o Suta, E leaise ko koe ai ko se kolo noa i kolo tafito o Suta, Talie e tupu loa iate koe se pule Leia e fagai ia loa Iselaele, loku kakai.

Mateo 2:6 Iomraidhean Croise

Senesi 49:10

E leaise fakamamao loa le pala fakasau ia Suta, Ti mo le tokotoko fakaaliki i lima o lona sakoga, O kaku ki le aso leia e sa ai loa le Silo (leia e tonu ke maua ia a ia), Ti ke fakalogo loa kiate ia a kakai fuli.

Lua tosi a Samuele 5:2

I le temi kua sili, le temi leia na sau ai Saulo kia matou, ko koe leia na taki ia mo aumai ia Iselaele. Na pati le Eteleno kiate koe : E ke fagai loa loku kakai ko Iselaele, ti e ke liliu loa ko le pule o Iselaele.

Uluaki tosi o Koloniko 2:51

ko Salema, tamana o Peteleemi ; ko Alefe, tamana o Pete-Kateli.

Uluaki tosi o Koloniko 5:2

Talie na makeke ake Suta i ona fetaina, ti na tupu mei lona sakoga se sau ; kae na nofo le pule o le uluaki mo Sosefo.

Esetalasi 2:21

Ko vosa o Peteleemi : ko le tino lelau tino lua tupu tolu.

Esaia 40:11

Ofaipe se tagata tausi manu, e fagai loa e ia lana kau manu, E too loa e ia a akeno i ona lima, Ti e luluku loa e ia latou i lona fatafata ; E taki loa e ia a ovi fafine ala e fakau olatou uviki.

Mikea 5:2

Koia leia e tuku ai loa e ia lona kakai O kaku ki le temi leia e fanau ai loa leia e tonu ke liliu o tinana, Ti ko le toega o ona fetaina E toe liliu mai loa ki fanau o Iselaele.

Numelo 24:19

Ko leia e ulu loa meia Sakopo e pule faitalisa, E tamate e ia latou ala e sosola mei kolo.

Mateo 2:1

Na tupu Sesu i Peteleemi i Sutea, i le temi o le sau ko Elote, ti na kaku mai se kau masi mei Olieto ki Selusalemi,

Mateo 28:18

Na fakafeofi ake loa Sesu o masau kia latou, o pati : Kua tuku mai kiate au a pule fuli i le lagi mo le kele.

Soane 21:16

Na toe pati loa Sesu kiate ia, ko lona tua lua a ia : Simone, vosa o Sonasi, pe ke alofa kiate au ? Ti na tali loa Petelo kiate ia : Io, Aliki, e ke iloa e kau alofa kiate koe. Na pati loa Sesu kiate ia : Fagai aku ovi fafine.

Soane 7:42

Pe leaise tuu koia i le tosi e tonu ke au le Kilisito mei le sakoga o Tavite, ti mo le kolo o Peteleemi, leia na nofo ai Tavite ?

Efeso 1:22

Ti kua tuku e ia a nea fuli ki ona vae, ti kua soli e ia a ia ko le Ulu o le Ekelesia,

Kolose 1:18

Ko le ulu a ia o le tino, o le Ekelesia ; ko le kamataaga a ia, ko le uluaki tupu a ia mei le kau mate, o tupu ke uluaki a ia i nea fuli.

Epelo 7:14

talie kua sa maoki na tupu lotatou Aliki meia Suta, faasiga leia na leaise masau ki ai Moisese ki le tulaga fakapelepitelo.

Apokalipisi 11:15

Ti na pupusi loa e le fitu o aselo lana fakatagi pupusi. Ti na i ai loa ni leo makeke i le lagi ala na pati : Ko le puleaga o le malama nei kua tuku ki lotatou Aliki ti mo lona Kilisito ; ti e sau loa a ia i sekulo mo sekulo.

Apokalipisi 2:27

E taki loa e ia latou ki se tokotoko ukamea, ti e ta loa e ia latou ke mafaafaa ofaipe ni ipu kele.

Apokalipisi 7:17

Talie ko le Akeno leia e nofo i loto malie o le ekeekeaga fakasau e fagai ia loa latou ti mo taki ia loa latou ki matapuna o le vai mauli, ti e solosoloi loa e le Atua a loimata fuli i olatou mata.