Mateo 2:16 - Tosi Tapu

¹⁶ Ko Elote, i lana tio kua manogii a ia e le kau masi, na itaita lasi ai, ti na fakatotonu loa e ia ke tamate a toe tagata liliki fuli kua fetuu lua o ifo ki lalo, ala na nonofo i Peteleemi ti mo fenua fuli i ona tafatafa, o mulimuli ki le aso leia na afaafa logo ai a ia ki le kau masi.

Mateo 2:16 Iomraidhean Croise

Senesi 39:14

na kalaga loa a ia ki le kakai o le fale, o pati kia latou : Kotou tio, kua aumai e ia se tagata Epeleo ke kakaai ia tatou. Na au le tagata lena kiate au ke momoe mo au, kae na kau kalaga o leo lasi.

Senesi 39:17

Ti na pati loa a ia ki lona avaga : Ko le tagata fakasausau Epeleo leia na ke aumai kia tatou, na au kiate au ke momoe mo au ;

Senesi 49:7

Ke malaia lola ita, talie na veli ai lola ita ! Ke malaia lola itaita, talie na tukipo a ia ! Koia e kau fakamavaevae ai loa laua i le fenua o Sakopo, Ti e kau veteki loa laua i le fenua o Iselaele.

Lua tosi o Sau 8:12

Na pati loa Asaele : Kolea e tagi ai loku aliki ? Ti na tali loa Eliseo : Talie e kau iloa le veli fuli leia e ke fai loa ki fanau o Iselaele ; e ke tutu loa olatou kolo tau, e ke tamate loa ki le seleta ona kau tagata tupulaga, e ke laliki loa alatou fanau liliki, ti e ke fakapaisi loa a manava o fafine tinanae.

Sopo 12:4

Kua kau liliu ki oku kaukaunea ko se nea fakagologolo, Talie e kau tagi ke tokoi mai le Atua kiate au ; Io, kua liliu le tagata agatonu, leia e leaise agasala, ko se nea fakagologolo !

Taagapati 28:15

Ofaipe se laione itaita ti mo se uluso pakupaku, E felaaki le tagata agaveli leia e pule fakamakeke ki se kakai mativa.

Taagapati 28:17

Ko se tagata leia e nofo mo se tukipo i lona loto E sola o kaku ki le popoko : ke aua na taofi a ia !

Esaia 26:21

Talie ko leinei, e ulu le Eteleno mei lona nofoaga, Ke tautea le kakai o le malama nei o tupu ko ana agasala ; Ti e fakasa loa e le fenua le toto leia na maligi, Ti e leaise toe fufu loa e ia le kakai leia na tamate.

Esaia 59:7

E makape olatou vae ki le veli, Ti e lotou fakatavili o liligi le toto mea ; Ko alatou manatu ko ni manatu o le agasala, Ti e maua i olatou ala le kaia mo le maumau.

Taniela 3:13

Koia na itaita veli ai loa Nepukatenesale, ti na fakatotonu loa e ia ke aumai Satalake, mo Mesake, mo Apeteneko. Ti na aumai loa a tagata ana ki mua o le sau.

Oseo 10:14

E malaga loa se maveuveu i lou kakai, Ti e maumaui loa ou kolo tau fuli, Ofaipe le maumaui e Salemane a Pete-Alepele, I le aso o le tau, Leia na takatakafi ai le tinana mo ana fanau.

Numelo 22:29

Na tali loa Palaame ki le asino fafine : talie kua ke nukinuki kiate au. Ka na kau too ia loa se seleta i loku lima, kua kau tamate nei a koe.

Numelo 24:10

Na mu loa le ita o Palake kia Palaame ; ti na pasipasi loa e ia ona lima, o pati kia Palaame : Na kau aumai a koe ki leinei ke ke fakamalaia oku fili, ti ko leinei, kua tua tolu loa lau tapuaki kiate ia !

Mateo 2:1

Na tupu Sesu i Peteleemi i Sutea, i le temi o le sau ko Elote, ti na kaku mai se kau masi mei Olieto ki Selusalemi,

Mateo 2:17

Ti na fakasoko loa i ai le nea leia na fakasa e le polofeta ko Selemia :

Mateo 2:7

Na kalagai fakapulipuli loa e Elote le kau masi, ti na afaafa totonu loa e ia kia latou pe na talu mei nafea le mu o le fetuu.

Apokalipisi 12:4

Ti na toso e lona siku le vaega tolu o fetuu o le lagi, o ti latou ki le kele. Na tuu loa le gata i mua o le fafine leia ka fanau, o tupu ke kai e ia lona toe, mo ka fanau loa a ia.

Apokalipisi 17:6

Ti na kau tio loa ki le fafine lena kua kona i le toto o le kau sagato ti mo le toto o le kau fakamaoki a Sesu. Ti na kau punamauli lasi ai i laku tio kiate ia.

Tuifakamaau 16:10

Na pati loa Talila kia Samisoni : Ko leinei, na ke manogii au, o ke fakamatala mai kiate au ni loi. E kau kolekole atu kiate koe i le temi nei ke ke fakasa mai kiate au le nea leia e tonu ke sai a koe ki ai.