Mateo 2:13 - Tosi Tapu

¹³ I le oki o lalatou mavae, na sa loa se aselo o le Aliki kia Sosefo i se moe miti, o pati : Tuu ki aluga, too le ga toe mo lona tinana, o sola ki Esipito, ti ke nofo i ai o kaku ki laku toe masau atu loa kiate koe, talie e afa loa le ga toe e Elote ke tamate.

Mateo 2:13 Iomraidhean Croise

Uluaki tosi o Sau 11:17

Kae na sola loa i le temi lena Atate mo ni kau Etome, tagata fakasausau a lona tamana, o ano ki Esipito. Na koi ikiiki Atate i le temi lena.

Uluaki tosi o Sau 3:5

I Kapaone, na sa loa le Eteleno i se moe kia Salomone i le pouli, ti na pati loa le Atua kiate ia : Kole mai le nea leia e ke loto ke kau soli atu kiate koe.

Sopo 33:15

E masau a ia i moe miti, mo nea ala e tio ki ai i le pouli, I le temi leia e moe mate ai a tagata, I le temi leia e lotou momoe ai i olatou moeaga.

Sopo 33:17

O tupu ke tafoki le tagata i le veli ti ke puipui a ia i le fia nealasi,

Ekesote 1:22

Ti na tuku loa e Falaone le fakatotonu leinei ki lona kakai katoa : E kotou ti loa ki le vaitafe a toe tagata fuli ala e tupu loa, kae e kotou tuku loa ke mauli a toe fafine fuli.

Mateo 1:20

Na lolotoga fakakaukau a ia ki le nea lena, ti na fokifa kua sa se aselo o le Aliki kiate ia i se moe miti, o pati : Sosefo, vosa o Tavite, aua na ke i i le too o Malia lau avaga, talie ko le toe leia e tinae ai e au mei le Laumalie Maokioki.

Mateo 10:23

Ka fakavelivelii loa koutou i se kolo, kotou sosola ki se tasi ake a kolo. E kau pati maoki atu kia koutou, e leikiaise oki lakotou folii a kolo o Iselaele, kae kua au le Vosa o le tagata.

Mateo 2:12

Ti na fakasa loa e le Atua kia latou i se moe miti ke aua na toe liliu kia Elote, ti na lotou toe liliu loa ki lolatou fenua i se tasi ake a ala.

Mateo 2:14

Na tuu ake loa Sosefo i le pouli, o too le ga toe mo lona tinana, ti na mavae loa a ia ki Esipito.

Mateo 2:16

Ko Elote, i lana tio kua manogii a ia e le kau masi, na itaita lasi ai, ti na fakatotonu loa e ia ke tamate a toe tagata liliki fuli kua fetuu lua o ifo ki lalo, ala na nonofo i Peteleemi ti mo fenua fuli i ona tafatafa, o mulimuli ki le aso leia na afaafa logo ai a ia ki le kau masi.

Mateo 2:22

Kae i le logo a Sosefo e sau i Sutea a Akelausi o fetogi Elote lona tamana, na i loa a ia i le ano ki ai ; ti na fakasa loa e le Atua kiate ia i se moe miti ke afe a ia ki le fenua o Kalilea,

Gaoi 10:22

Ti na lotou tali loa : Ko Kolenelio, ko se setulio Loma, tagata agatonu mo alofa ki le Atua, leia kua fakamaoki ki ai le puleaga katoa o le kau Sutea, na fakasa kiate ia e le Atua i lana aselo maokioki ke aumai a koe ki lona fale, ke logo a ia ki au folafola.

Gaoi 10:7

I le mavae a le aselo leia na masau kiate ia, na kalagai loa e Kolenelio se toka lua i ana tagata fakasausau, ti mo se tagata solia agatonu ia latou ala na tausi kiate ia ;

Gaoi 12:11

I lona malama ake, na pati loa Petelo : Kua kau iloa papau i le temi nei kua kakau mai e le Atua lana aselo, ti kua fakamauli e ia au mei le lima o Elote ti mo nea fuli ala na talitali ki ai le kakai Sutea.

Gaoi 12:7

Ti ko leinei, na tuu mai loa se aselo o le Aliki, ti na mu loa se malama i le loto fale pilisoni. Ti na fafagu loa e le aselo a Petelo, o papa ki lona fetuu, o pati : Tuu vave ki aluga ! Ti na vivilo loa a tini mei ona lima.

Gaoi 16:36

Ti na fakasa loa e le tagata leo pilisoni a masau ana kia Paulo : Kua kave logo mai kiate au le kau tui fakamaau ke fakalauatea koulua ; koia kua kolua lauatea ai i le temi nei, kolua ano i le tokamalie.

Gaoi 5:19

Kae, i le pouli, na fakamavaa loa e se aselo o le Aliki a matapa o le pilisoni, ti na taki loa e ia latou ki fafo, o pati kia latou :

Gaoi 7:19

Ko le sau lena, na fakakaka loa ki lotatou lanu, ti na fakavelivelii loa e ia otatou tamana o kaku ki lana fakamaua latou ke titiaki alatou fanau ke mamate.

Sosue 3:13

I le temi e tuu ai loa ki le vai o le Solotane a vae o le kau tagata faisakilifisio ala e amo ia le aleka o le Eteleno, Aliki o le malama nei katoa, e mavae lua loa a vai o le Solotane, e tanaki fakatasi loa a vai ala e tafe mei mua ofaipe se kaua.

Sosue 3:17

Na tutuu loa a tagata faisakilifisio ala na amo ia le aleka o le fakapapau o le Eteleno i le kele malo, i loto malie o le Solotane, i le temi katoa leia na fakalaka ai a fanau a Iselaele i le malo, o kaku ki le oki o le fakalaka o le puleaga katoa i le Solotane.

Sosue 4:10

Na tutuu loa a tagata faisakilifisio ala na amo ia le aleka i loto malie o le Solotane, o kaku ki le oki o le fai o nea fuli ala na fakatotonu e le Eteleno kia Sosue ke fakasa ki le kakai, o mulimuli ki nea fuli na tuku e Moisese kia Sosue. Ti na fakavilivili loa le kakai o fakalaka i le Solotane.

Sosue 4:18

Na mavae loa le kau tagata faisakilifisio ala na amo ia le aleka o le fakapapau o le Eteleno mei loto malie o le Solotane. I le temi leia na tuu ai loa olatou vae ki le kele fefeka o le kauvai, na toe liliu loa a vai o le Solotane ki lolatou tafeaga, ti na lotou toe mafola loa ofaipe mua, i kauvai o le Solotane.

Apokalipisi 12:14

Ti na soli loa ki le fafine a kapakau e lua o le akuila lasi ke lele ai ki le toafa, ki lona mumuniaga, ki le ganea leia e fagai ai loa a ia i se temi, mo ni temi, ti mo le vaelua o se temi, o mamao mei mata o le gata.

Apokalipisi 12:4

Ti na toso e lona siku le vaega tolu o fetuu o le lagi, o ti latou ki le kele. Na tuu loa le gata i mua o le fafine leia ka fanau, o tupu ke kai e ia lona toe, mo ka fanau loa a ia.

Apokalipisi 12:6

Ti na sola loa le fafine ki le toafa, ki le ganea leia na teuteui e le Atua kiate ia ke fagai ai a ia i aso e afe kau lelau lua kau ono.