Mateo 2:11 - Tosi Tapu

¹¹ Na lotou ulu loa ki le fale, ti na lotou tio loa ki le ga toe mo Malia lona tinana, ti na lotou tutuli loa ki lalo o atolasio ki le ga toe ; ti na lotou fakamavaa loa olatou koloa, ti na lotou momoli loa kiate ia alatou moliga ko le aulo, mo le iseso ti mo le mila.

Mateo 2:11 Iomraidhean Croise

Senesi 43:11

Na pati loa lolatou tamana ko Iselaele kia latou : Ko lena e maua ke felaaki, ke kotou fai loa le nea leinei : Kotou fafao loa ki akoutou taga ni fua malilie o le fenua, ke kotou fai ai se moliga ki le tagata lena : kotou too ni kaloni, mo se meli, mo ni nea fakamanogi, mo se mila, mo ni fuai pinati, ti mo ni fuai amatie.

Uluaki tosi o Sau 10:10

Na soli loa e le fafine sau ki le sau ko Salomone se aulo ko tane e tolu mo le vaelua, mo ni nea fakamanogi mauke ai mo ni fatu mauiga. Na leaise toe aumai loa ni nea fakamanogi ke lasi tatau mo la na soli loa e le fafine sau o Sepa ki le sau ko Salomone.

Uluaki tosi o Sau 10:2

Na kaku mai loa a ia ki Selusalemi mo lana kau fanoga toka api, ti mo se kau kamelo leia na amo ia ni nea fakamanogi, mo se aulo lasi ai, ti mo ni fatu mauiga. Na ano loa a ia kia Salomone, ti na fakasa loa e ia kiate ia a nea fuli ala na maua e ia i lona loto.

Pesalemo 2:12

Ke kotou sogi ki le Alo, talie na ita a ia, Kae kotou mamate loa i lokoutou ala, Talie e ula vave lona ita. Manuia latou fuli ala e fanaki kiate ia !

Pesalemo 45:8

E ke alofa ki le faitotonu, kae e ke vesia ki le agaveli : Koia, ei Atua, ko lou Atua na takai ia a koe Ki se lolo o le fiafia, o lasi ake i ou kaukaunea.

Pesalemo 72:10

E totogi loa e sau o Talesisi mo sau o atu motu ni tukusau ; Ti e fai loa e sau o Sepa mo Sapa ni moliga.

Pesalemo 72:15

E lotou mauli loa, ti e lotou soli loa kiate ia se aulo mei Sepa ; E lotou ulufaki tuumau loa a ia, e lotou fakamalo loa kiate ia i aso fuli.

Pesalemo 95:6

Kotou au, tou punou, ti tou fakataulalo i ona mua, Tou peluki otatou tuli i mua o le Eteleno, lotatou tupuaga !

Ekesote 30:23

Too loa kiate koe a kaloni malilie tukupau : le mila, ko ni sikele e kau lelau lima o le mila leia e sali toka tasi ; mo le sinamome, ko ni sikele e kau lelau lua kau lima ; mo ni kanele manogi, ko ni sikele e kau lelau lua kau lima ;

Ekesote 30:34

Na pati loa le Eteleno kia Moisese : Too ni nea fakamanogi : se setakite, mo se onika, mo se kalipanume, ti mo se iseso mea, o fua fakatatau fuli latou.

Katiko o Katiko 3:6

Ko ai leia e pale mai i le toafa, Ofaipe ni pou afu, I loto malie o ni kokofu o le mila mo le iseso, Ti mo nea fakamanogi fuli a le kau fai koloa ?

Esaia 60:6

E ke apele loa i kamelo, I kamelo o Matiane mo Efa ; E lotou au fuli loa mei Sapa ; E lotou fetuku mai loa le aulo mo le iseso, Ti e lotou fakasa loa a fakavikiviki o le Eteleno.

Levitiko 6:15

Ko le tagata faisakilifisio leia, i vosa o Alone, e pani loa ki le lolo ke fetogi ia a ia, e toe fai ia loa le moliga nea kai lena. Ko se lao lee gato a ia i mua o le Eteleno : e tutu katoa loa a ia e le afi.

Malakia 1:11

Talie mei le sopo o le laa o kaku ki lona galo, E lasi loku suafa i lotolotoga o atu puleaga, Ti e tutu i ganea fuli le iseso ki loku suafa, Ti e fai mai kiate au ni failaulau mea ; Talie e lasi loku suafa i lotolotoga o atu puleaga, E pati le Eteleno o kau tau.

Numelo 7:14

mo se ipu aulo e kau agafulu fa sikele leia na apele i le kaloni fakamanogi ;

Numelo 7:86

ko le ipu aulo na kau agafulu fa sikele ; ti ko ipu aulo e kau lelau kau lua fa sikele ; na lotou apele fuli i le kaloni fakamanogi.

Mateo 1:18

Ko leinei loa le anoaga o le tupu o Sesu-Kilisito : Ko Malia, lona tinana, na fakatasi mo Sosefo, ti e i mua o lala nonofo fakatasi, na tinae a ia i le Laumalie Maokioki.

Mateo 12:46

Na lolotoga masau Sesu ki le kakai, ko leinei, na tutuu loa i fafo lona tinana mo ona fetaina, o faiga ke masau kiate ia.

Mateo 14:33

Ko latou ala na nonofo i le vaka na au loa o su kia Sesu, o pati : Ko le Alo maoki a koe o le Atua.

Mateo 2:10

I le lakaga leia na lotou tio ai ki le fetuu, na lotou apele loa i se fiafia lasi.

Mateo 2:2

ti na lotou pati : Kofea le Sau o le kau Sutea leia nao tupu fua ? Talie kua motou tio ki lona fetuu i Olieto, ti kua motou au o atolasio kiate ia.

Luka 2:16

Na lotou ano fakavilivili loa ki ai, ti na lotou maua loa Malia mo Sosefo, ti mo le ga toe memea leia na fakamoe i le kaiaga manu.

Luka 2:38

I lana kaku totonu mai i le ola lena, na fakafetai a ia ki le Atua, ti na masau a ia kia Sesu kia latou fuli ala na talitali ki le saofaki o Selusalemi.

Soane 19:39

Ko Nikotemo, leia na ano i mua kia Sesu i le pouli, na au foki mo ia, o aumai se mila mo se aloese kua filo, ko le kau tolu tupu tolu kilo lona lasi.

Apokalipisi 19:10

Ti na kau fakamapee loa ki lalo i ona vae ke su kiate ia ; kae na pati mai loa a ia kiate au : aua na ke fai le nea a ia ! Talie ko au ko se tagata fakasausau ofaipe koe mo ou fetaina ala e maua ia le fakamaoki o Sesu. Su ki le Atua. Talie ko le fakamaoki o Sesu ko le laumalie a ia o le folafola kikite.

Apokalipisi 5:8

I lana too le tosi, na tulolo loa a manu mauuli e fa ti mo matua e tino lua tupu fa i mua o le Akeno, o tasi too lana alepe ti mo ni ipu aulo kua apelepele i kaloni, ala ko faikole a le kau sagato.

Uluaki tosi a Samuele 10:27

Kae na i ai foki mo ni tagata agaveveli, ala na pati : Ea koia ! Ko ia loa leinei ka saofaki ia tatou ! Ti na lotou nukinuki loa kiate ia, ti na leaise lotou ave loa se nea alofa kiate ia. Kae na nea noa a ia kia Saulo.