Mateo 19:9 - Tosi Tapu

⁹ Kae e kau pati atu kia koutou : ko leia e kapu ia lona avaga, gato fai ki le tono mo se tasi ake tagata, ti toe avaga a ia mo se tasi ake fafine, e fai e ia se tono fafine.

Mateo 19:9 Iomraidhean Croise

Senesi 20:3

Kae na sa loa le Atua i se moe miti kia Apimeleke i le pouli, o pati kiate ia : Ko leinei, e ke mate loa o tupu ko le fafine leia kua ke aga o too, talie e i ai lona avaga.

Lua tosi o Koloniko 21:11

Na toe fai foki e Solame ni ganea taualuga i mauga o Suta ; na toe eke fakamakeke foki e ia le kakai o Selusalemi ke fai feauaki ki taulaatua, ti na fakasesei loa e ia a Suta.

Selemia 3:1

E pati a ia : Ka kapu e se tagata lana avaga, Ti e mavae le fafine iate ia, o toe avaga mo se tasi ake tagata, Pe toe liliu loa le uluaki tagata kiate ia ? Leai ! Talie e kelekele loa i ai le fenua. Kae ko koe, Iselaele, na ke faiaga mo ni kau mamana toka api, Ti e ke loto loa ke ke toe liliu mai kiate au ! e pati le Eteleno.

Selemia 3:8

Logo ai na kau kapu le fafine agatuu ko Iselaele, o tupu ko ana faiaga fuli, ti na kau soli kiate ia lona tosi mavete, na kau tio na leaise maua fuai e lona taina kaka ko Suta se i, kae na toe ano foki mo ia, o toe faiaga.

Esekiele 16:15

Kae na ke fanaki loa ki lou fulumalie, ti na ke fakaaoga loa lou logologona, o faiaga ; na ke faiaga loa mo latou fuli ala na fakalaka i ou tafa, ti na ke soli a koe kia latou.

Esekiele 16:29

Na ke fakalasi lau faiaga mo le fenua o Kanaane o kaku ki Kaletea, kae na leaise ke kaekae aifai.

Esekiele 16:8

Na kau toe fakalaka i ou tafa, ti na kau tio kiate koe, ti ko leinei, kua soko lou temi ki le alofa. Na kau folasi loa kiate koe le tapatapa o loku kofu, ti na kau uufi loa lou telefua, ti na kau fakapapau loa ke kau agatonu kiate koe, ti na kau fai loa mo koe se sai, e pati le Aliki, le Eteleno, ti na kau maua loa a koe ma aku.

Mateo 19:10

Na pati loa ana tisipulo kiate ia : Kapau ko lena le anoaga o le tagata ki le fafine, ti e leaise aoga o le avaga.

Mateo 19:8

Na tali loa Sesu kia latou : E tupu ko le fefeka o okoutou loto, lena na tuku ai e Moisese kia koutou se fakataga ke kapu okoutou avaga. Kae i le kamataaga, na leaise fenaaki.

Mateo 5:32

Kae ko au, e kau pati atu kia koutou ko le tagata leia e kapu ia lona avaga, (gato fai mo kapau na tono a ia mo se tagata), e tuku e ia lona avaga ke tono mo se tasi ake tagata ; ti ko le tagata leia e avaga loa mo se fafine leia na kapu e lona avaga e fai ia loa se tono mo le fafine lena.

Luka 16:18

Ko le tagata leia e kapu ia lona avaga kae toe avaga a ia mo se tasi ake fafine e tono a ia mo le fafine lena, ti ko le tagata leia e avaga mo se fafine leia na kapu e lona avaga e tono a ia mo le fafine lena.

Uluaki tosi ki le kau Kolinto 5:1

Kua logo i ganea fuli e maua ia koutou se fai feauaki, ti ko se fai feauaki leia e leaise maua foki i le kau pagani ; talie kua kaku o nofo se tasi o koutou mo le avaga o lona tamana.

Uluaki tosi ki le kau Kolinto 7:39

Kua sai le fafine ki lona avaga i le temi katoa leia e mauli ai lona avaga ; ti kapau kua mate le tagata, e lauatea le fafine ke toe avaga mo leia e loto a ia ki ai ; ko leia fua ke fai i le Aliki.

Uluaki tosi ki le kau Kolinto 7:4

E leaise ko le fafine leia e pule ki lona tino, kae ko lona avaga. Ti e leaise ko le tagata foki leia e pule ki lona tino, kae ko le fafine.