Mateo 19:7 - Tosi Tapu

⁷ Na lotou pati loa kiate ia : Kolea loa na tosi ai e Moisese ke tuku ki le fafine se tosi mavete ti ke kapu a ia ?

Mateo 19:7 Iomraidhean Croise

Esaia 50:1

Ko leinei le folafola a le Eteleno : Kofea le tosi mavete leia na kau fakafiti ai ki lokoutou tinana ? Pe ko ai ia latou ala na kau tuu maua ki ai na kau fakatau koutou ki ai ? Ko leinei, na fakatau koutou o tupu ko akoutou agaveli. Ti na kapu lokoutou tinana o tupu ko akoutou agasala.

Selemia 3:8

Logo ai na kau kapu le fafine agatuu ko Iselaele, o tupu ko ana faiaga fuli, ti na kau soli kiate ia lona tosi mavete, na kau tio na leaise maua fuai e lona taina kaka ko Suta se i, kae na toe ano foki mo ia, o toe faiaga.

Malakia 2:16

Talie e kau vesia ki le kapu o le avaga, E pati le Eteleno, le Atua o Iselaele, Ti mo leia e uufi ia le agamakeke ki lona kofu, E pati le Eteleno o kau tau : Kotou tokaga ki okoutou laumalie, Ti ke aua na kotou agatuu !

Mateo 1:19

Ko Sosefo, lona avaga, ko se tagata malie mo agatonu, ti na leaise fia fakamatagafua e ia a Malia, koia na fakatotonu ai loa e ia ke veteki fakafufu lala fakatasi.

Mateo 19:6

Koia e leaise koi la toka lua ai, kae kua la liliu ko se tino e tasi. Koia ke aua na veteki ai e le tagata le nea leia kua sai e le Atua.

Mateo 19:8

Na tali loa Sesu kia latou : E tupu ko le fefeka o okoutou loto, lena na tuku ai e Moisese kia koutou se fakataga ke kapu okoutou avaga. Kae i le kamataaga, na leaise fenaaki.

Mateo 5:31

Kua fakasa : Ko le tagata leia e kapu ia lona avaga e soli ia loa kiate ia se tosi mavete.

Maleko 10:4

Na lotou pati loa, na fakataga e Moisese ke fai se tosi mavete ti ke kapu le avaga.