Mateo 19:29 - Tosi Tapu

²⁹ Ti ko leia e tuku ia loa, o tupu ko loku suafa, ona fetaina, mo ona tuagaane, mo lona tamana, mo lona tinana, mo lona avaga, mo ana fanau, mo ona kele, mo ona fale, e maua loa e ia o liuga kau lelau, ti e maua tofiga loa e ia le mauli lee gato.

Mateo 19:29 Iomraidhean Croise

Filipe 3:8

Ti kua kau tio foki ki nea fuli ofaipe ni nea ke tiaki, o tupu ko le malie tukupau o le iloa o Sesu-Kilisito loku Aliki, leia kua kau fakafiti ai ki nea fuli ; ti e kau tio ki nea ana ofaipe se pela, o tupu ke maua Kilisito ;

Luka 14:26

Kapau e au se tasi kiate au, kae e leaise fakamuamua e ia au i lona tamana, mo lona tinana, mo lona avaga, mo ana fanau, mo ona fetaina, mo ona tuagaane, ti mo lona mauli totonu, ti e leaise mafai ke liliu a ia ko laku tisipulo.

Mateo 16:25

Talie ko leia e fia saofaki ia lona mauli e fakapuli noa ia loa a ia, kae ko leia e fakapuli noa ia loa lona mauli o tupu ko au e toe maua ia loa a ia.

Mateo 6:33

Kotou afa mua le Puleaga mo le faitotonu a le Atua, ti e fakalasi atu loa a nea fuli ana kia koutou.

Uluaki tosi a Petelo 4:14

Kapau e lauvelii koutou o tupu ko le suafa o Kilisito, e kotou manuia, talie e nofo ia koutou le Laumalie o le kololia, le Laumalie o le Atua.

Mateo 10:22

E vesiainai loa koutou e le kakai fuli, o tupu ko loku suafa ; kae ko leia e kataki fualoa loa o kaku ki le fakaoki e saofaki loa.

Soane 15:19

Kanapau ko kotou a le malama nei, e alofa loa le malama nei ki lana nea. Kae tupu e leaise ko koutou a le malama nei, ti na kau filifili koutou mei loto malie o le malama nei, koia e vesia ai le malama nei kia koutou.

Luka 6:22

Manuia loa koutou mo ka e vesia loa a tagata kia koutou, mo ka e kapu loa koutou, mo ka e lauveli loa kia koutou, ti mo tiaki loa okoutou igoa, o tupu ko le Vosa o le tagata !

Mateo 5:11

Manuia loa koutou, mo ka pativelii loa koutou, mo ka fakavelivelii loa koutou pe lau loa kia koutou a veli kesekese, o tupu ko au.

Uluaki tosi ki le kau Kolinto 2:9

Kae, ofaipe lona tuu i le tosi : Ko ni nea ala na leaise tio ki ai le mata, ti na leaise logo ki ai le taliga, ti na leaise ulu ki le loto o le tagata, ko ni nea ala na teuteui e le Atua kia latou ala e alofa kiate ia.

Gaoi 9:16

ti e kau fakasa loa kiate ia a nea fuli ala e tonu ke mamae ai o tupu ko loku suafa.

Mateo 25:34

Ti e pati loa le sau kia latou ala e tutuu loa i lona fetuu atamai : Kotou au, koutou ala na tapuaki e loku Tamana ; kotou maua le puleaga leia na teuteui atu kia koutou talu mei le kamataaga o le malama nei.

Mateo 19:16

Ti ko leinei, na fakafeofi ake loa se tagata, o pati kia Sesu : Pule, kolea le nea leia e tonu kau fai o malie ke maua ai le mauli lee gato ?

Mateo 13:23

Ko leia na tali ia le fakaili i le kele malie, ko leia e logo ki le folafola ti e matala ki ai ; e fua a ia, ti e fua se fa fuai fakaili e tasi o kau lelau, ti ko se tasi o kau ono, ti ko se tasi o kau tolu.

Lua tosi ki le kau Kolinto 5:16

Koia, i le temi nei, e leaise ma iloa ai se tasi fua i le kanofi ; ti kapau na ma iloa Kilisito i le kanofi, i le temi nei e leaise koi ma iloa a ia i le fai lena.

Mateo 25:46

Ti e ano loa latou anei ki le tautea lee gato, kae e ano loa le kau agatonu ki le mauli lee gato.

Mateo 13:8

Na maluku loa se tasi a potu ki le kele malie : Na fua a ia, o taki kau lelau a iki, ti taki kau ono a iki, ti taki kau tolu a iki.

Tolu tosi a Soane 1:7

Talie kua lotou ano, o tupu ko le suafa o Sesu-Kilisito, ti na leaise lotou tali se tokoi mei le kau pagani.

Luka 5:11

Ti na lotou toso loa a vaka ki uta, ti na lotou tuku loa a nea fuli, kae lotou muli loa iate ia.

Soane 4:36

Ko leia e tuuti e maua e ia se totogi, ti e tanaki e ia ni fua ki le mauli lee gato, o tupu ko leia e to mo leia e tuuti ke la fiafia fakatasi.

Ekelesiasi 3:6

se temi ke afa ai, ti mo se temi ke puli ai ; se temi ke taupau ai, ti mo se temi ke tiaki ai ;