Mateo 19:26 - Tosi Tapu

²⁶ Na tio loa Sesu kia latou, o pati : E leaise feala le nea lena ki tagata, kae e feala a nea fuli ki le Atua.

Mateo 19:26 Iomraidhean Croise

Senesi 18:14

Pe i ai fua se nea e tasi leia e faigataa ki le Eteleno ? I le temi leia kua fakatotonu ki ai, i le temi totonu leinei, e kau toe liliu mai loa kiate koe, ti e nofo loa lou avaga ko Sala mo se vosa.

Uluaki tosi o Sau 17:16

Na leaise toe oki loa le falina leia na tuku i le fa ipu, ti na leaise toe ikiiki loa le lolo leia na tuku i le fagu, o mulimuli ki le folafola leia na fakasa e le Eteleno i le gutu o Elia.

Sopo 42:2

E kau fakamaoki e ke mafai a nea fuli, Ti e leaise fakafesagai se nea ki au manatu.

Pesalemo 3:8

Ke ke tuu ki aluga, Eteleno ! Ke ke saofaki au, ei loku Atua ! Talie e ke taai a kalaafau o oku fili fuli, E ke fatifatii a nifo o le kau agaveli.

Pesalemo 62:11

Ke aua na kotou fanaki ki le fakamakeke, Ti ke aua na kotou tuku se fanaki sala ki le kaia ; Ka tupu a koloa o lasi, Ke aua na pipiki ki ai okoutou loto.

Selemia 32:17

Ei Aliki Eteleno, Ko leinei, kua ke fakatupu le lagi mo le kele I lou mafimafi lasi mo lou lima falo : E leaise faigataa fua se nea kiate koe.

Selemia 32:27

Ko leinei, ko au ko le Eteleno, le Atua o tagata fuli. Pe i ai se nea e faigataa kiate au ?

Sakalia 8:6

Koia e folafola ai le Eteleno o kau tau, o pati : Kapau e mata fakapunamauli le nea lena ki le toega o le kakai lena i aso ana, pe mata fakapunamauli a ia kiate au ?

Numelo 11:23

Na pati loa le Eteleno kia Moisese : Pe kua toetoe loa le lima o le Eteleno ? I le aso nei e ke tio ai loa pe soko pe leai le nea leia kua kau pati ki ai.

Mateo 19:25

I le logo a le kau tisipulo ki le nea lena, na lotou ofolele lasi ai, o pati : Ko ai loa e feala ke saofaki ?

Mateo 19:27

Na masau loa Petelo, o pati kiate ia : Ko leinei, kua motou tuku a nea fuli, ti kua motou muli iate koe ; kolea loa ka soko kia matou ?

Maleko 10:27

Na tio loa Sesu kia latou, o pati : E leaise feala le nea a ia ki le tagata, kae e feala a ia ki le Atua : Talie e feala a nea fuli ki le Atua.

Luka 1:37

Talie e leaise faigataa se nea ki le Atua.

Luka 18:27

Na tali loa Sesu : Ko le nea leia e leaise mafai e tagata e faigaofie ki le Atua.

Epelo 6:6

kae na vivilo, e leaise mafai ai ke toe fakafoou latou, ti ke toe aumai latou ki le fakasemala ; talie na lotou toe kulusifiko le Alo o le Atua ti mo toe tuku a ia ki lauveli.

Uluaki tosi a Samuele 14:6

Na pati loa Sonatane ki le tupulaga leia na amo ia ana masafu : Au, ke ta ano o kaku ki le nofolaga tau o le kau Filisitini pagani leinei. Na saga e gaoi loa le Eteleno kia taua, talie e leaise nea leia e taofi ia le Eteleno ke saofaki ki se ga toka teiki ofaipe se toka api.