Mateo 18:9 - Tosi Tapu

⁹ Ti kapau e fakasala kiate koe lou mata, kapei a ia o ti fakamamao meiate koe ; e malie ake lau ulu ki le mauli mo se fa mata e tasi, i lau maua a fa mata e lua kae ti a koe ki le afi o Ifeli.

Mateo 18:9 Iomraidhean Croise

Mateo 16:26

Ti kolea lona aoga ki se tagata ke maua e ia le malama nei katoa, kae e puli noa lona laumalie ? pe kolea e soli loa e se tagata ke totogi ai lona laumalie ?

Mateo 18:8

Kapau e fakasala kiate koe lou lima pe ko lou vae, tuuti laua o ti fakamamao meiate koe ; e malie ake lau ulu kito pe lima mutu ki le mauli, i lau maua a lima e lua mo vae e lua kae ti a koe ki le afi lee gato.

Mateo 19:17

Na tali loa Sesu kiate ia : Kolea e ke vesili mai ai kiate au o uiga mo le nea e malie ? Ko se toka tasi e malie ko le Atua. Kapau e ke fia ulu ki le mauli, tausi a fakatotonu. Na pati loa a ia kia Sesu : A fakatotonu fea ?

Mateo 5:22

Kae ko au, e kau pati atu kia koutou ko leia e ita ki lona taina, e tonu ke ave a ia ki le fakamaau ; ko leia e pati loa ki lona taina : Valeuka ! E tonu ke fakatua e le fono lasi : Ti ko leia e pati loa ki lona taina : Uluvale ! E tonu ke fakatua ki le afi o Ifeli.

Mateo 5:29

Kapau e fakatupu siga kiate koe lou fa mata atamai, kapei a ia o ti mamao meiate koe ; talie e malie ake kiate koe ke mate se koga e tasi i ou koga tino, kae ke aua na ti lou tino katoa ki le afi.

Maleko 9:47

Ti kapau e fakasalai a koe e lou fa mata, kapei a ia ; e malie ake lau ulu fa mata tasi ki le puleaga o le Atua, i lau maua ni fa mata e lua kae ti loa a koe ki Ifeli.

Gaoi 14:22

o fakamakeke le laumalie o le kau tisipulo, mo akonaki kia latou ke lotou tuu mau i le tui, o pati : e tonu ke tou ulu ki le Puleaga o le Atua i ni mamae lasi ai.

Epelo 4:11

Koia tou faiga ke tou ulu vave ki le maloloaga lena, o tupu ke aua na siga se tasi o fakatautau ki le faifaitakiaga lena o le patigataa.

Apokalipisi 21:27

Ti e leaise ulu loa ki ai se nea kelekele, pe ko se tasi leia e fai nea fakalialia, pe ko se tasi leia e loi ; kae e ulu loa ki ai latou ala kua tosi i le tosi o le mauli a le Akeno.