Mateo 18:8 - Tosi Tapu

⁸ Kapau e fakasala kiate koe lou lima pe ko lou vae, tuuti laua o ti fakamamao meiate koe ; e malie ake lau ulu kito pe lima mutu ki le mauli, i lau maua a lima e lua mo vae e lua kae ti a koe ki le afi lee gato.

Mateo 18:8 Iomraidhean Croise

Esaia 30:22

E ke tio loa ki le kelekele o le siliva leia e kofu ai okoutou fakatata Ti mo le aulo leia e teuteu ai latou. E ke tiaki loa a momo o fakatata ofaipe ni penu, Ti e ke pati loa : Penu, mavae i leinei !

Esaia 33:14

Kua i le kau agasala i Sione, Kua maua e se lulu le kau agatuu ki le Atua : Ko ai leia ia tatou e mafai ke nofo i se afi kaka ? Ko ai leia ia tatou e mafai ke nofo i ni ulaula lee gato ?

Esekiele 18:31

Kotou tiaki ki mamao akoutou agaveveli fuli ala na kotou agasala ai ; kotou fai kia koutou ni loto foou mo ni laumalie foou. Kolea e kotou mamate ai loa, fale o Iselaele ?

Mateo 17:27

Kae, o tupu ke aua na lotou siga, ano ki le tai, o ti le matau, ti ke toso mai le uluaki ika leia ka au loa ; fakamavaa lona gutu, ti e ke maua loa se fa setatele. Too a ia, ti ke soli a ia kia latou ma aku mo koe.

Mateo 25:41

Ti oki, ti e pati loa a ia kia latou ala e tutuu loa i lona fetuu sema : Kotou fakamamao atu iate au, kau malaia ; kotou ano ki le afi lee gato leia na teuteui ki le Tiapolo mo ana aselo.

Mateo 25:46

Ti e ano loa latou anei ki le tautea lee gato, kae e ano loa le kau agatonu ki le mauli lee gato.

Luka 14:33

Koia ko leia ia koutou e leaise fakafiti ki nea fuli ala e maua e ia, e leaise mafai ke liliu ko laku tisipulo.

Luka 16:24

Ti na tauvasa loa a ia : Tamana Apalaamo, alofa mai kiate au, ti kakau mai Lasalo ke fakasusu e ia le tumutumu o lona maikao ki le vai, ke fakamokomoko ai loku alelo, talie e kau mamae lasi ai i le afi nei.

Loma 13:12

Kua vave fua le oki o le pouli, kua ofi fua le ao. Koia ke tou tiaki ai a gaoi o le pouli, kae ke tou tui a masafu o le malama.

Apokalipisi 14:10

ti e inu loa e ia totonu le vino o le sausau o le Atua, leia kua liligi fakataufua ki le ipu o lona sausau ; ti e fakamamaei loa a ia i le afi mo le sulifa, i mua o le kau aselo maokioki ti mo mua o le Akeno.

Apokalipisi 20:15

Ko leia na leaise maua kua tosi i le tosi o le mauli, na ti loa a ia ki le tai afi.

Apokalipisi 21:8

Kae ki le kau manava veli, mo le kau tui gataa, mo le kau aga fakalialia, mo le kau tukipo, mo le kau fai feauaki, mo le kau fai nea fakatalatupua, mo le kau tausi taulaatua, ti mo le kau gutu loiloi fuli, e tuku loa lolatou vaega i le tai kaka o le afi mo le sulifa, leia ko le lua mate.