Mateo 18:3 - Tosi Tapu

³ o pati : E kau pati maoki atu kia koutou, kapau e leaise kotou tafoki ti mo kotou liliu ofaipe ni toe liliki, e leaise kotou ulu loa ki le puleaga o le atu lagi.

Mateo 18:3 Iomraidhean Croise

Pesalemo 131:2

E mamao ai a ia ! E kau maua se laumalie fimalie mo tokamalie Ofaipe se toe puaki leia e nofo i tafa o lona tinana ; E kau maua se laumalie ofaipe se toe puaki.

Esaia 6:10

Ke ke fakaliliu le loto o le kakai leinei ke logo noa ; Ke ke fakatulituli ona taliga, ti mo tapono ona mata, Talie ke aua na tio loa ona mata, mo logo loa ona taliga, Mo matala loa lona loto, Mo tafoki loa, ti ke kau fakamauli loa a ia.

Mateo 13:15

Talie kua liliu o mate noa le mafu o le kakai leinei ; Kua lotou fakatulituli olatou taliga, ti kua lotou tapono olatou mata, O tupu ke aua na lotou tio ki olatou mata, Ke aua na lotou logo ki olatou taliga, Ke aua na lotou matala i olatou loto, Ke aua na lotou tafoki, ti ke aua na kau fakamauli latou.

Mateo 18:2

Ti na kalagai loa e Sesu se ga toe ikiiki, ti na fakatuu loa e ia a ia i loto malie o latou,

Mateo 18:4

Koia, ko leia ka fakataulalo loa ofaipe le ga toe ikiiki leinei ko ia leia ka liliu loa o lasi oki i le puleaga o le atu lagi.

Mateo 19:14

Ti na pati loa Sesu : Tuku a toe liliki, aua na kotou taofi latou ke au kiate au ; talie e fakalogo le puleaga o le atu lagi kia latou ala e faipe ni toe liliki.

Mateo 19:23

Na pati loa Sesu ki ana tisipulo : E kau pati maoki atu kia koutou, e faigataa ai ke ulu se tagata mou koloa ki le puleaga o le atu lagi.

Mateo 5:18

Talie e kau fakasa maoki atu kia koutou, e leaise puli loa le kele mo le lagi kae e leikiaise fakasoko a ga puani fuli ti mo ga matai tosi fuli o le lao.

Mateo 5:20

Talie e kau pati atu kia koutou, kapau e leaise fakalaka ake lakoutou faitotonu i le faitotonu a le kau sekelipa mo le kau faliseo, e leaise kotou ulu loa ki le Puleaga o le atu lagi.

Mateo 6:16

Ka kotou sesunio, aua na kotou mata mamae, ofaipe le kau malualoi, ala e fetogi olatou mata talie ke fakasa ai ki tagata e lotou sesunio. E kau pati maoki atu kia koutou, kua lotou maua lolatou fakapale.

Mateo 6:2

Koia ka ke soli ia se nea, aua na ke pupusi le fakatagi i ou mua, ofaipe le fai e le kau malualoi i sinakoka ti mo ala, o tupu ke viki ai latou e tagata. E kau pati maokioki atu kia koutou, kua lotou maua lolatou fakapale.

Mateo 6:5

Ka kotou faikole, aua na kotou faipe le kau malualoi, ala e fia faikole tutuu i sinakoka ti mo magai ala, o tupu ke tioi latou e tagata. E kau pati maoki atu kia koutou, kua lotou maua lolatou fakapale.

Maleko 4:12

o tupu ke lotou tio mata, kae aua na lotou iloa ; ke lotou logo taliga, kae aua na lotou matala, talie ke aua na lotou tafoki, ti ke aua na fakamolemole alatou agasala.

Luka 13:24

Kotou faiga ke kotou ulu i le matapa lau ikiiki. Talie e kau pati atu kia koutou, e toka api latou ala e fefai loa ke ulu, kae e leaise lotou mafai loa.

Luka 22:32

Kae kua kau ulufaki a koe, ke aua na puli lau tui ; ti ko koe, ka ke toe liliu mai loa, tokoi ki ou fetaina.

Soane 1:51

Na pati loa Sesu kiate ia : E maoki, e maoki, e kotou tio loa ki le lagi kua mavaa, ti mo le kau aselo a le Atua e pale mo ifo i aluga o le Vosa o le tagata.

Soane 3:3

Na tali loa Sesu kiate ia : E maoki, e maoki, e kau pati atu kiate koe, kapau e leaise tupu foou se tagata, e leaise feala ke tio a ia ki le puleaga o le Atua.

Soane 3:5

Na tali loa Sesu : E maoki, e maoki, e kau pati atu kiate koe, kapau e leaise tupu se tagata i le vai mo le Laumalie Maokioki, e leaise feala ke ulu a ia ki le puleaga o le Atua.

Gaoi 14:22

o fakamakeke le laumalie o le kau tisipulo, mo akonaki kia latou ke lotou tuu mau i le tui, o pati : e tonu ke tou ulu ki le Puleaga o le Atua i ni mamae lasi ai.

Gaoi 28:27

Talie kua liliu o fefeka le loto o le kakai lena ; Kua lotou fakatulituli olatou taliga, ti kua lotou tapono olatou mata, Ke aua na lotou tio i olatou mata, Ke aua na lotou logo i olatou taliga, Ke aua na lotou matala i olatou loto, Ke aua na lotou tafoki, ti ke aua na kau fakamauli latou.

Gaoi 3:19

Koia kotou fakasemala mo kotou tafoki, ke fakamolemole ai akoutou agasala,

Uluaki tosi ki le kau Kolinto 14:20

Fetaina, aua na kotou fakatoe i le potu o le fakamaau ; kae kotou faipe ni toe liliki i le potu o le agaveli, ti kotou faipe ni tagata kua katoa i potu o le fakakaukau.

Uluaki tosi a Petelo 2:2

kae kotou oli, ofaipe ni toe memea, ki le sua u fakalaumalie mo mea, o tupu ke kotou tuputupua i ai ki le saofaki,

Lua tosi a Petelo 1:11

Talie i le nea a ia, e fakamavaa fakalaulasi atu loa kia koutou le uluaga ki le Puleaga lee gato o lotatou Aliki mo Fakamauli ko Sesu-Kilisito.