Mateo 18:16 - Tosi Tapu

¹⁶ Kae kapau e leaise fakalogo a ia kiate koe, too mo koe se toka tasi pe ko se toka lua, talie ke fakatokatoka a nea fuli i le fakamaoki a se toka lua pe ko se toka tolu.

Mateo 18:16 Iomraidhean Croise

Uluaki tosi o Sau 21:13

ti na au loa ni tagata agaveli e toka lua, o tuu i mua o Napote, ti na la fakalakasala loa Napote i mua o le kakai, o pati : Na lauveli Napote ki le Atua mo le sau ! Ti na lotou ave loa Napote ki le tua kolo, ti na lotou tukifatu loa a ia, o mate.

Numelo 35:30

Kapau e taai loa e se tagata se tasi o mate, e tonu loa ke tamate le tagata tukipo, i le fakamaoki a ni tagata fakamaoki. Kae e leaise feauga le fakamaoki a se tagata fakamaoki e tasi ke tamate ai se tasi.

Soane 8:17

E tosi i lakoutou lao e maoki le fakamaoki a ni tagata e toka lua ;

Lua tosi ki le kau Kolinto 13:1

E kau natu kia koutou ko lona tua tolu loa a ia. E fakatokatoka loa a nea fuli i le fakamaoki a ni tagata e toka lua pe toka tolu.

Tetelonome 17:6

E tamate loa leia e tonu ke mate i le fakamaoki a le toka lua pe ko le toka tolu ; e leaise tamate loa a ia i le fakamaoki a se fa toka tasi.

Tetelonome 19:15

E leaise feauga le fakamaoki a le tagata e toka tasi ke tuku ai se sala ki se tagata, pe ko se agasala, pe ko se tasi nea veli leia e feala ke fai. Koi maoki se nea mo ka e fakamaoki ki ai ni tagata e toka lua pe toka tolu.

Uluaki tosi kia Timoteo 5:19

Aua na ke tali fua se fakalakasala o se fakamatuatua, mo kapau e leaise tuku a ia e ni tagata fakamaoki e toka lua pe toka tolu.

Epelo 10:28

Ko leia na maumaui ia le lao a Moisese, e tamate a ia i le fakamaoki a se toka lua pe ko se toka tolu.

Apokalipisi 11:3

E kau soli loa ki aku tagata fakamaoki e toka lua, ala kua kofu ki ni taga, ke la akonaki fakakikite i ni aso e afe kau lelau lua kau ono.