Mateo 18:10 - Tosi Tapu

¹⁰ Kotou tokaga na kotou nukinuki ki se tasi fua o toe liliki anei ; talie e kau pati atu kia koutou e tio tuumau olatou aselo i le atu lagi ki mata o loku Tamana leia e nofo i le atu lagi.

Mateo 18:10 Iomraidhean Croise

Lua tosi a Samuele 14:28

Na nofo loa Apesalone i Selusalemi i fetuu e lua, kae na leaise tio a ia ki le sau.

Uluaki tosi o Sau 22:19

Ti na pati loa Mikea : Fakalogo mai la ki le folafola a le Eteleno ! Na kau tio ki le Eteleno kua ekeeke i lona ekeekeaga fakasau, ti kua tutuu le kau tau katoa o le lagi i ona tafa, i lona fetuu atamai mo lona fetuu sema.

Esitele 1:14

Na i nonofo i ona tafa a Kalesena, mo Setale, mo Atemate, mo Talesisi, mo Melese, mo Malesena, ti mo Memukani, ko aliki e toka fitu o Pelesi mo Meti, ala na tio ki mata o le sau, ti na maua ia a tuulaga lalasi o lona puleaga.

Pesalemo 15:4

E tio fakaveli a ia ki leia e fai ia le veli, Kae e fakaapaapa a ia kia latou ala e i ki le Eteleno. E leaise toe liliu a ia ki muli mo kapau na fai e ia se fakapapau leia kua veli kiate ia.

Pesalemo 17:15

Kae ko au, i lou faitotonu, e kau tio loa ki ou mata ; I le ala ake, e kau makona loa i lou paaki.

Pesalemo 34:7

Ka tagi se tagata e mamae, e logo le Eteleno, Ti e fakamauli e ia a ia i ona mamae fuli.

Pesalemo 91:11

Talie e fakatotonu loa e ia ki lana kau aselo Ke taupau ia a koe i ou ala fuli.

Sakalia 13:7

Seleta, oso ki laku tagata tausi manu Ti mo le tagata leia ko loku kaukau nea ! E pati le Eteleno. Taai le tagata tausi manu, Ti ke mavete a ovi ! Ti e kau fakamaliu loa loku lima kia latou ala e gagae.

Sakalia 4:10

Talie ko latou ala na nukinuki ki le aso o ga kamataaga liliki e fiafia loa i le tio ki le nivo i le lima o Solopapele. Ko malama anei e fitu ko mata o le Eteleno, ala e taka i le malama nei katoa.

Mateo 1:20

Na lolotoga fakakaukau a ia ki le nea lena, ti na fokifa kua sa se aselo o le Aliki kiate ia i se moe miti, o pati : Sosefo, vosa o Tavite, aua na ke i i le too o Malia lau avaga, talie ko le toe leia e tinae ai e au mei le Laumalie Maokioki.

Mateo 12:20

E leaise fatii loa e ia le fa u mafati, Ti e leaise tamate loa e ia le vavai malama leia e afu, O kaku ki lana fakasoko ke malo le faitotonu.

Mateo 18:14

Koia e leaise ko le finegalo ai o lokoutou Tamana i le atu lagi ke puli se toka tasi o toe liliki ana.

Mateo 18:6

Kae kapau e fakasalai e se tasi se tasi o toe liliki ana e tui kiate au, e malie ake kiate ia ke tau ki lona ua se fa fatu, ti ke ti a ia ki le takele o le moana.

Mateo 2:13

I le oki o lalatou mavae, na sa loa se aselo o le Aliki kia Sosefo i se moe miti, o pati : Tuu ki aluga, too le ga toe mo lona tinana, o sola ki Esipito, ti ke nofo i ai o kaku ki laku toe masau atu loa kiate koe, talie e afa loa le ga toe e Elote ke tamate.

Mateo 2:19

I le oki o le mate o Elote, ko leinei na sa loa se aselo o le Aliki i se moe miti kia Sosefo i Esipito,

Mateo 24:31

Ti e kakau loa e ia ana aselo mo le fakatagipupusi makeke, ti e lotou tanaki loa lana kau filifiliia mei fetuu matagi e fa, mei leia potupotu o le lagi ki leia potupotu.

Luka 1:19

Na tali loa le aselo kiate ia : Ko au Kapeliele, e kau tuu i mua o le Atua ; na kakau mai au ke au o masau atu kiate koe, ti mo fakailo atu kiate koe le logo malie lena.

Luka 10:16

Ko leia e fakalogo kia koutou e fakalogo a ia kiate au, ti ko leia e tiaki ia koutou e tiaki e ia au ; ti ko leia e tiaki ia au e tiaki e ia leia na kakau ia mai au.

Luka 16:22

Na mate loa le tagata mativa, ti na ave loa a ia e le kau aselo ki tafa o Apalaamo. Na mate foki mo le tagata mou koloa, ti na tanu loa a ia ki le kele.

Gaoi 10:3

I se sili lalatea vae ola tolu, na tio malama loa a ia i se sa ki se aselo a le Atua na ulu ake ki lona fale, o pati ake kiate ia : Kolenelio !

Gaoi 12:15

Na lotou pati loa ki le fafine fakasausau : E ke valea. Kae na fakapapau loa a ia ko le maoki. Ti na lotou pati loa : Ko lona aselo.

Gaoi 12:23

I le temi fai lena na taai loa a ia e se aselo o le Aliki, talie na leaise fakakololia a ia ki le Atua, ti na kai loa a ia e ilo, o mate.

Gaoi 27:23

Talie na fakafeofi mai kiate au i le po leinei se aselo o le Atua, leia e kau fakalogo mo tausi ki ai,

Gaoi 5:19

Kae, i le pouli, na fakamavaa loa e se aselo o le Aliki a matapa o le pilisoni, ti na taki loa e ia latou ki fafo, o pati kia latou :

Loma 14:10

Kae ko koe, kolea e ke fakamaaui ai lou taina ? Pe ko koe, kolea e ke vesia ai ki lou taina ? talie e tou tutuu fuli loa i mua o le fakamaauaga o le Atua.

Loma 14:21

E malie ke aua na kai ki se inati, ke aua na inu ki se vino, ti ke tiaki le nea leia e fakatupu siga ki lou taina, pe fakatupu tukia, pe fakatupu gaegae.

Loma 15:1

Ko tatou ala e makeke, e tonu ke tou katakii a gaegaeia o latou ala e gaegae, ti ke aua na tou afa le nea leia e malie kia tatou.

Uluaki tosi ki le kau Kolinto 11:22

Pe leai ni okoutou fale ke kotou kai ai mo inu ai ? Pe kotou nukinuki ki le Ekelesia o le Atua, ti mo kotou fakalumai latou ala e leaise maua ia se nea ? Kolea ke kau pati loa kia koutou ? Pe kau vikiviki loa kia koutou ? I le nea lena e leaise kau vikiviki ai kia koutou.

Uluaki tosi ki le kau Kolinto 16:11

Ke aua na nukinuki se tasi kiate ia. Ke kotou tokoi kiate ia ke folau mai kiate au i le tokamalie, talie e kau talitali kiate ia mo fetaina.

Uluaki tosi ki le kau Kolinto 9:22

Na kau gaegae mo le kau gagae, o tupu ke maua ai le kau gagae. Na kau fakatatau i nea fuli ki tagata fuli, o tupu ke kau saofaki ai ni iki.

Lua tosi ki le kau Kolinto 10:1

Ko au Paulo, e kau kole atu kia koutou, i le agamalu mo le agamalie o Kilisito, a au leia e mata gaegae i okoutou mua mo ka kau nofo mo koutou, ti e apele i le loto toa kia koutou mo ka kau nofo mamao.

Lua tosi ki le kau Kolinto 10:10

Talie e pati : e mamafa mo makeke ana tosi ; kae ka nofo totonu a ia, e gaegae fua a ia, ti e veli lana masau.

Kalate 6:1

Fetaina, kapau e maua atu se tasi kua sala, ko koutou ala e fakalaumalie, kotou fakatonutonu a ia i se loto agamalu. Tokaga kiate koe totonu, talie ke aua na toe fakasalai foki mo koe.

Uluaki tosi ki le kau Tesalonika 4:8

Koia, ko leia e tiaki ia a fakatotonu ana, e leaise tiaki e ia se tagata kae le Atua, leia na soli ia atu foki kia koutou lona Laumalie Maokioki.

Uluaki tosi kia Timoteo 4:12

Ke aua na fakanoai e se tasi lou koi muli, kae ke ke liliu ko se faifaitaki ki le kau agatonu, i masau, mo le aga, mo le alofa, mo le tui, ti mo le maokioki.

Epelo 1:14

Pe leaise ko ni laumalie fuli latou, ala e tausi ki le Atua, ti kua kakau ke gaoi kia latou ala e tonu ke maua ia le mauli lee gato ?

Epelo 9:24

Talie na leaise ulu Kilisito ki se sagatualio leia na fau e lima o le tagata, leia ko le fakatata o le tapenakulo maoki, kae na ulu a ia ki le lagi totonu, o tupu ke fakafofoga e ia tatou i le temi nei i mua o le Atua.

Apokalipisi 8:2

Ti na kau tio loa ki aselo e fitu ala e tutuu i mua o le Atua, ti na soli loa kia latou ni fakatagi pupusi e fitu.