Mateo 17:9 - Tosi Tapu

⁹ I le lolotoga o lalatou ifo mei le mauga, na tuku loa e Sesu kia latou le fakatotonu leinei : Aua na kotou masau ki se tasi o uiga mo le nea leia na kotou tio ki ai, o kaku ki le toe tuuake o le Vosa o le tagata mei le kau mate.

Mateo 17:9 Iomraidhean Croise

Mateo 12:16

ti na fakatotonu fakamakeke loa e ia kia latou ke aua na fakasa a ia,

Mateo 17:12

Kae e kau pati atu kia koutou kua au Elia, ti na leaise lotou iloa a ia, kae na lotou fai kiate ia o mulimuli ki olatou loto. E toe mamae fenaaki foki le Vosa o le tagata meia latou.

Mateo 17:20

Na pati loa Sesu kia latou : E tupu ko lokoutou tui gataa. E kau pati maoki atu kia koutou, kapau e kotou maua se tui ofaipe se fuai sinapi ; e kotou pati loa ki le mauga lena : Mataaki i leinei ki leia, ti e mataaki loa a ia ; e leaise toe faigataa loa se nea kia koutou.

Mateo 17:22

I le lolotoga o lalatou feanoaki i Kalilea, na pati loa Sesu kia latou : E tonu ke tuku le Vosa o le tagata ki lima o tagata ;

Mateo 17:23

E lotou tamate loa a ia, ti e toe tuuake loa a ia i le tolu o aso. Na lotou loto mamae lasi ai.

Mateo 17:8

Na tagaki ake loa olatou mata ki aluga, ti na lotou tio loa kia Sesu toka tasi.

Mateo 8:20

Na tali loa Sesu kiate ia : E maua e lenato ni olatou nofoaga, ti e maua e manu lele o le lagi ni olatou ofaga ; kae e leaise maua e le Vosa o le tagata se ganea leia ke fakamalolo ai lona ulu.

Mateo 8:4

Na pati loa Sesu kiate ia : Tokaga ke aua na ke fakasa a ia ki se tasi ; kae ke ano, o fakasa a koe ki le tagata faisakilifisio, ti mo ke ave le moliga leia na tosi e Moisese, ke fakamaoki ai kia latou.

Maleko 8:30

Na fakatotonu loa e Sesu kia latou ke aua na lotou fakasa le nea lena ki se tasi.

Luka 8:56

Na punamauli ai a matua o le taine, kae na fakatotonu loa e Sesu kia laua ke aua na la masau fua ki se tasi ki le nea leia kua soko.

Luka 9:36

I le oki o le masau a le leo, na lotou tio loa kia Sesu toka tasi. Na lotou fakalologo loa, ti na leaise lotou fakamatala fua ki se tasi, i le temi lena, le nea leia na lotou tio ki ai.