Mateo 17:6 - Tosi Tapu

⁶ I lalatou logo ki le leo lena, na sisiga loa le kau tisipulo o fakapulou ki le kele, ti na lotou i lasi ai.

Mateo 17:6 Iomraidhean Croise

Uluaki tosi o Koloniko 21:16

Na siki ake loa e Tavite ona mata ki aluga, ti na tio loa ki le aselo a le Eteleno e tuu i le vasa o le kele mo le lagi, ti kua too e ia i lona lima lana seleta gigila o fakaagaaga ki Selusalemi. Ti na fakavilo loa Tavite mo le kau matua, ala kua kofu ki ni taga, o fakatau olatou mata ki le kele.

Esekiele 3:23

Na kau tuu ake loa ki aluga, ti na kau ano loa ki le vaivailiua ; ti ko leinei, na sa loa i ai le kololia o le Eteleno, ofaipe le kololia leia na kau tio ki ai i tafa o le vaitafe o Kepale. Ti na kau fakamapee loa o fakapulou oku mata ki le kele.

Esekiele 43:3

Ko le nea lena na kau tio ki ai na tatau mo leia na kau tio ki ai i le aso leia na kau au ai ke maumaui le kolo ; ti na tatau le nea lena mo leia na kau tio ki ai i tafa o le vaitafe o Kepale. Ti na kau fakavilo loa ki lalo o fakatau oku mata ki le kele.

Taniela 8:17

Ti na au loa Kapeliele ki le ganea leia na kau nofo ai ; ti na kau i i lana fakafeofi mai kiate au, ti na kau punou loa, o fakatuu oku mata ki le kele. Na pati mai loa a ia kiate au : Tokaga, ei vosa o le tagata, talie e uiga le tio mo se temi leia e liliu loa ko le temi fakaoki.

Levitiko 9:24

Na mavae loa se afi mei mua o le Eteleno, o tutu le failaulau mo gako i aluga o le aletale. Na tio loa le kakai katoa ki le nea lena ; ti na lotou kalaga loa i le fiafia, ti na lotou punou loa o fakatau olatou mata ki le kele.

Mateo 17:5

I le lolotoga o lana masau, na uufi loa latou e se ao gigila. Ti ko leinei, na fakasa loa e se leo mei le ao a folafola anei : Ko ia leinei ko loku Alo alofaina, leia kua kau tuku ki ai loku alofa : Kotou fakalogo kiate ia !

Mateo 17:7

Kae na fakafeofi ake loa Sesu, o fafa kia latou, o pati : Kotou tutuu ki aluga, aua na kotou i !

Gaoi 22:7

Ti na kau teka loa ki le kele, ti na kau logo loa ki se leo leia na pati : Saulo, Saulo, kolea e ke fakavelivelii ai au ?

Gaoi 26:14

Ti na motou fetekai fuli loa ki le kele, ti na kau logo loa ki se leo leia na pati mai kiate au i le fakaepeleo : Saulo, Saulo, kolea e ke fakavelivelii ai au ? E faigataa loa kiate koe ke akasi ia a ukamea kakai o lou pule.

Lua tosi a Petelo 1:18

Ti na motou logo ki le leo lena mei le lagi, i lamotou nonofo mo ia i le mauga maokioki.

Tuifakamaau 13:20

Na pale ake loa le ula o le failaulau i aluga o le aletale ki le lagi, ti ko leinei, kua pale ake loa le aselo o le Eteleno i loto malie o le ula o le aletale. I le tio a Manoa mo lona avaga ki le nea lena, na la fakavilo loa o fakatau ola mata ki le kele.

Tuifakamaau 13:22

ti na pati loa a Manoa ki lona avaga : E ta mamate loa, talie kua ta tio ki le Atua.