Mateo 17:22 - Tosi Tapu

²² I le lolotoga o lalatou feanoaki i Kalilea, na pati loa Sesu kia latou : E tonu ke tuku le Vosa o le tagata ki lima o tagata ;

Mateo 17:22 Iomraidhean Croise

Mateo 16:21

Talu loa mei ai na kamata fakasa loa e Sesu ki ana tisipulo e tonu ke ano a ia ki Selusalemi, ke mamae lasi a ia mei le kau fakamatuatua, mo le kau pule faisakilifisio ti mo le kau sekelipa, ke mate a ia, ti ke toe tuuake a ia i le tolu o aso.

Mateo 16:28

E kau pati maoki atu kia koutou, ko ni iki ia latou ala e nonofo i leinei e leaise mamate loa, kae e leikiaise lotou tio ki le saele mai o le Vosa o le tagata i lona puleaga.

Mateo 17:12

Kae e kau pati atu kia koutou kua au Elia, ti na leaise lotou iloa a ia, kae na lotou fai kiate ia o mulimuli ki olatou loto. E toe mamae fenaaki foki le Vosa o le tagata meia latou.

Mateo 17:23

E lotou tamate loa a ia, ti e toe tuuake loa a ia i le tolu o aso. Na lotou loto mamae lasi ai.

Mateo 17:9

I le lolotoga o lalatou ifo mei le mauga, na tuku loa e Sesu kia latou le fakatotonu leinei : Aua na kotou masau ki se tasi o uiga mo le nea leia na kotou tio ki ai, o kaku ki le toe tuuake o le Vosa o le tagata mei le kau mate.

Mateo 24:10

I temi ana e tiaki loa e le toka api le tui, ti e lotou fefolafolaaki loa mo fevesiaaki loa ia latou.

Mateo 26:16

Ti na afa loa e ia se faigamalie ke fakatau ai Sesu kia latou.

Mateo 26:46

Kotou tutuu la ki aluga, ko leinei, ko leia e fakatau ia au e fakaofi mai.

Maleko 8:31

Na kamata fakasa loa e Sesu kia latou e tonu ke mamae lasi le Vosa o le tagata, ke tiaki a ia e le kau fakamatuatua o le kakai, mo le kau pule faisakilifisio, mo le kau sekelipa, ti ke tamate a ia, ti ke toe tuuake a ia i le sili o aso e tolu.

Luka 24:26

Pe na leaise tonu ai ke mamae le Kilisito i nea ana, ti ulu loa ki lona kololia ?

Luka 24:46

Ti na pati loa a ia kia latou : E tuu foki i le tosi : E mamae loa le Kilisito, ti e toe tuuake loa a ia mei le kau mate i le tolu o aso,

Luka 9:22

Ti na toe pati loa Sesu : e tonu ke mamae lasi ai le Vosa o le tagata, ti ke tiaki a ia e le kau fakamatuatua, mo le kau pule faisakilifisio, mo le kau sekelipa, ti ke tamate a ia, ti ke toe tuuake loa a ia i le tolu o aso.

Luka 9:43

Ti na lotou punamauli loa i le mafimafi o le Atua. Kae i lalatou punamauli ki nea fuli na fai e Sesu, na pati loa a ia ki ana tisipulo :

Gaoi 7:52

Ko ai i le kau polofeta na leaise fakavelivelii e okoutou tamana ? Na lotou tamate ala na fakasa fakatomua ia le saele mai o le Tagata Agatonu e Tasi, leia na kotou fakatau i aso anei, ti kua kotou tamate,

Uluaki tosi ki le kau Kolinto 11:23

Talie kua kau tali mei le Aliki le nea leia na kau ako atu kia koutou ; ko le Aliki Sesu, i le po leia na fakatau ai a ia, na too ia loa le pane,