Mateo 17:2 - Tosi Tapu

² Na fetogi loa a ia i olatou mua ; na gigila loa ona mata ofaipe le laa, ti na tetea loa ona kofu ofaipe le malama.

Mateo 17:2 Iomraidhean Croise

Pesalemo 104:2

E kofu e ia le malama ofaipe se taupulupulu ; E folasi e ia le lagi ofaipe se falela.

Katiko o Katiko 6:10

Ko ai leia e sa ofaipe le mafoata, Fulumalie ofaipe le masina, mea ofaipe le laa, Kae fakaii ofaipe ni kau tau mo alatou manumanu ?

Mateo 17:1

Na sili loa ki ai ni aso e ono, ti na vaei loa e Sesu a Petelo, mo Sakopo, mo Soane, lona taina, ti na ave loa e ia latou ki se mauga taualuga.

Mateo 17:3

Ti ko leinei, na sa loa Moisese mo Elia kia latou, e masau mo Sesu.

Mateo 28:3

Na fai ona mata pe se uila, ti na tea lona kofu ofaipe le nive.

Maleko 9:3

Na liliu loa ona kofu o gigila mo tetea, i se tea leia e leaise mafai ke fakatupu e se tasi i le malama nei.

Luka 9:29

I le lolotoga o lana faikole, na fetogi loa ona mana, ti na liliu loa ona teu o tea gigila.

Soane 1:14

Ti na tupu tagata le folafola, ti na nofo a ia ia tatou, o apele i le kalasia mo le maoki ; ti na motou tio ki lona kololia, ko se kololia ofaipe le kololia o le Alo fuatasi na au mei le Tamana.

Soane 17:24

Tamana, na ke soli mai latou kiate au, ti e kau loto ke lotou nonofo foki mo au i le ganea leia e kau nofo ai, o tupu ke lotou tio ki loku kololia, le kololia leia na ke soli mai kiate au, talie na ke alofa kiate au i mua o le fakatupu o le malama nei.

Loma 12:2

Aua na kotou fakatatau ki le sekulo nei, kae ke fetogi koutou e le fakafoou o le loto, o tupu ke kotou iloa le finegalo o le Atua : le nea leia e malie, mo aoga, ti mo saosaoa.

Apokalipisi 10:1

Ti na kau tio loa na ifo mei le lagi se tasi ake aselo makeke. Na takatakai a ia e se ao, ti na i ai se nuanua i lona ulu ; na fai ona mata pe le laa, ti na fai ona vae pe ni pou afi.

Apokalipisi 20:11

Ti na oki a ia, na kau tio loa ki se ekeekeaga fakasau lasi tea, ti mo leia na ekeeke i ai. Ti na fesolaki loa le kele mo le lagi i ona mua, ti na leaise toe maua loa se tuuaga kia laua.