Mateo 17:12 - Tosi Tapu

¹² Kae e kau pati atu kia koutou kua au Elia, ti na leaise lotou iloa a ia, kae na lotou fai kiate ia o mulimuli ki olatou loto. E toe mamae fenaaki foki le Vosa o le tagata meia latou.

Mateo 17:12 Iomraidhean Croise

Mateo 11:2

Ko Soane, i lana logo i lona fale pilisoni ki gaoi fakatalatupua a Kilisito, na kakau ia loa ana tisipulo ke ano, o vesili kia Sesu :

Mateo 16:21

Talu loa mei ai na kamata fakasa loa e Sesu ki ana tisipulo e tonu ke ano a ia ki Selusalemi, ke mamae lasi a ia mei le kau fakamatuatua, mo le kau pule faisakilifisio ti mo le kau sekelipa, ke mate a ia, ti ke toe tuuake a ia i le tolu o aso.

Mateo 17:11

Na tali loa Sesu : E maoki e tonu ke au mua Elia, o fakatuutuu a nea fuli.

Mateo 17:13

Na matala loa le kau tisipulo na masau a ia kia latou o uiga mo Soane-Patita.

Mateo 17:22

I le lolotoga o lalatou feanoaki i Kalilea, na pati loa Sesu kia latou : E tonu ke tuku le Vosa o le tagata ki lima o tagata ;

Mateo 17:9

I le lolotoga o lalatou ifo mei le mauga, na tuku loa e Sesu kia latou le fakatotonu leinei : Aua na kotou masau ki se tasi o uiga mo le nea leia na kotou tio ki ai, o kaku ki le toe tuuake o le Vosa o le tagata mei le kau mate.

Mateo 21:32

Talie na au Soane kia koutou i le ala o le faitotonu, ti na leaise kotou tui kiate ia. Kae na tui kiate ia le kau popelikano mo fafine faiaga ; ti ko koutou, ala na tio ki le nea lena, na leaise kotou fakasemala o tui kiate ia.

Mateo 8:20

Na tali loa Sesu kiate ia : E maua e lenato ni olatou nofoaga, ti e maua e manu lele o le lagi ni olatou ofaga ; kae e leaise maua e le Vosa o le tagata se ganea leia ke fakamalolo ai lona ulu.

Luka 7:33

Talie kua au Soane-Patita, o leaise kai e ia se pane ti mo inu e ia se vino, ti na kotou pati : E iate ia se temonio.

Soane 1:11

Na au a ia ki lona kakai, kae na leaise tali a ia e lona kakai.

Gaoi 2:23

ko le tagata lena na fakatau o mulimuli ki le fakatuutuu mo le poto o le Atua, ti na kotou tutuki a ia i se koluse, ti na kotou tuku a ia ke tamate e le lima o tagata agasala.

Gaoi 4:10

ke kotou iloa fuli, ti ke iloa e le kakai katoa o Iselaele : Ko le igoa o Sesu-Kilisito mei Nasaleti, leia na kotou tutuki i le koluse, kae kua toe fakatuuake e le Atua mei le kau mate, ko ia leia kua tuku ia le malolo katoa ki le tagata leinei e tuu i okoutou mua.

Gaoi 7:52

Ko ai i le kau polofeta na leaise fakavelivelii e okoutou tamana ? Na lotou tamate ala na fakasa fakatomua ia le saele mai o le Tagata Agatonu e Tasi, leia na kotou fakatau i aso anei, ti kua kotou tamate,