Mateo 16:25 - Tosi Tapu

²⁵ Talie ko leia e fia saofaki ia lona mauli e fakapuli noa ia loa a ia, kae ko leia e fakapuli noa ia loa lona mauli o tupu ko au e toe maua ia loa a ia.

Mateo 16:25 Iomraidhean Croise

Esitele 4:14

talie, kapau e ke fakalologo i le temi nei, e au loa le tokoi mo le fakamauli ki le kau Sutea mei se tasi ake ganea, kae ko koe mo le fale o lou tamana, e kotou pupuli loa. Ti ko ai e iloa ia na saga kua ke kaku ki le tuulaga fakasau o tupu ko le temi leinei ?

Esitele 4:16

Ano, o fakatasii le kau Sutea fuli leia e nonofo i Suse, ti kotou sesunio kiate au, aua na kotou kai fua pe kotou inu fua i ni aso e tolu i le pouli mo le ao. Ko au foki, e kau sesunio loa mo aku fafine fakasausau, ti oki aia, e kau ano loa ki le sau, logo ai le lao ; ti kapau e tonu ke kau mate, e kau mate loa.

Ekelesiasi 3:6

se temi ke afa ai, ti mo se temi ke puli ai ; se temi ke taupau ai, ti mo se temi ke tiaki ai ;

Mateo 10:39

Ko leia e taupau ia loa lona mauli e fakapuli noa ia loa a ia, ti ko leia e fakapuli noa ia loa lona mauli o tupu ko au e toe maua ia loa a ia.

Mateo 16:26

Ti kolea lona aoga ki se tagata ke maua e ia le malama nei katoa, kae e puli noa lona laumalie ? pe kolea e soli loa e se tagata ke totogi ai lona laumalie ?

Maleko 8:35

Talie ko leia e loto loa ke saofaki e ia lona mauli e maumaui loa e ia a ia, kae ko leia e maumaui ia loa lona mauli o tupu ko au ti mo le logo malie e saofaki loa e ia a ia.

Luka 17:33

Ko leia e afa ke saofaki lona mauli e fakapuli ia loa a ia, kae ko leia e fakapuli ia loa a ia e toe maua ia loa a ia.

Soane 12:25

Ko leia e alofa ki lona mauli e pulinoa loa, kae ko leia e vesia ki lona mauli i le malama nei e taupau ia loa a ia ki le mauli lee gato.

Apokalipisi 12:11

Ti na lotou malo iate ia, o tupu ko le toto o le Akeno, ti mo le folafola o lalatou fakamaoki, ti na leaise lotou alofa ki olatou mauli ke lotou i ai ki le mate.